هرات تومنلریدن قطاری طالبان نظارتی گه اوتگنیدن کیین، حاضر جهادی سابق رهبری محمداسماعیل خان، یوزلرچه طرفداری بیلن امنیتی و مدافعه کوچلردن اوز حمایتلرینی بیلدیریب و طالبان گه قرشی توریشلرینی اعلام قیلگن.
محمداسماعیل خان بوگون توشدن آلدین اویی ده یولگه قوییلگن مردمی بیر ییغینده مملکت جنوبغرب حوزهسیده مردمی مقاومت حرکتی ایجاد ایتیلگنیدن خبر بیریب و ایتیشیچه، شونینگدیک اوتگن کیچهدن بویان طالبان هجومی نینگ آلدینی آلیش اوچون هرات شهری نینگ ۱۵ قسمتی ده مردمی مقاومت حرکت کوچلری جایلشتیرگن و اولر تیزلیککه جبهه ده حضور تاپیشلری ممکن.
اسماعیل خان نینگ کوپهیتیریشیچه، جنوبغرب حوزهسی نینگ مردمی مقاومت حرکتی طالبان نی آرتده چیکلنتیریش اوچون، بوگون شام گچه جبههلرده حضور تاپیشلری ممکن. اوشبو جهادی سابق رهبری امنیتی کوچلردن، مقاومت دن قول تارتمهسلیکلرینی سورهب و جنوبغرب حوزهسی نینگ مردمی مقاومت حرکتی اولرنینگ یانیده توریشی اوستیگه اورغولهگن.
بیزلرنینگ فیسبوک صحیفهمیزگه باش اورینگ!
اسماعیل خان نینگ ایتیشیچه، جنوبغرب حوزهسی نینگ مردمی مقاومت حرکتی یالغیز هرات اوچون ایمس و بو ولایت شهر و تومنلری طالبان وجودیدن تازهلنگنیدن کیین، امنیتی کوچلر بیلن جنوبغرب حوزهسی نینگ باشقه ولایتلرینی هم طالبان وجودیدن تازهلشلری ممکن.
او، اهالی و امنیتی کوچلرگه طالبان نینگ هرات شهری گه کیریش اوچون رخصت بیرمهسلیگی توغریسیده ایشانچ بیرگن. شونینگدیک اسماعیل خان هرات یشاوچیلری و طرفدارلریدن طالبان گه قرشی مقاومت قیلیش اوچون اویلریده باریب قورال کوتاریشلری و امنیتی کوچلرنینگ یانیده توریب هرات نینگ طالبان وجودیدن تازهلشلرینی سورهگن.
بیزلرنینگ توییترده هم تعقیب قیلینگ!
عین حالده، محمداسماعیل خان طرفدارلری و هرات یشاوچیلریدن قطاری نینگ ایتیشلریچه، هرات شهری نینگ طالبان دن امان اَسرهش اوچون امنیتی کوچلر و مردمی مقاومت حرکتی نینگ یانیده توریب و بو توغریده هر قندهی سعی و حرکت قیلهدیلر.
جنوبغرب حوزهسی نینگ مردمی مقاومت حرکتی طالبان گه قرشی توریشلرینی اعلام قیلگن بیرحالده، حاضر هرات نینگ گذره، انجیل، کشک رباطسنگی و کرخ تومنلریدن باشقه برچه تومنی طالبان نظارتی گه اوتگن.