ننگرهار ده ایکینچیلریدن قطاری نینگ سلام‌وطندار گه ایتیشلریچه، جاری ییل‌ده اوشبو ولایت‌ده قلمپیر ایکینی اوتگن ییل گه نسبتاً کوپه‌یگن بولسه ده، بیراق نرخی سیزیلرلی درجه ده پس توشگن.
شو بیلن بیرگه، مذکور دهقان‌لر، ایکین‌لریده پیدا بولگن آفت نی محصول‌لری اوچون خوفلی عنوان قیلیب و سرپرست حکومت‌دن محصول‌لری اوچون مناسب بازار قیدیریب و آفت‌لرنی یوق ایتیش‌ده دهقان‌لر بیلن همکارلیک قیلیشینی سوره‌یدیلر.
ایکی جریب ییری گه قلمپیر ایککن ننگرهار ولایتی بهسود تومنی ایکینچیلریدن بیری عبدالله نینگ ایتیشیچه: «بو ییل ییرلریم گه تور‌لی خیل نرسه ایکدیم. بو ییل باشقه ییللر گه قره‌گنده کوپراق قلمپیر ایککنلر. او یوزدن مین هم ایکی جریب ییریم گه قلمپیر ایکدیم. اوتگن ییللر قیمت‌لر یخیشی ایدی، بیراق قلمپیر‌لر نینگ چیقیشی بیلن، بازاری کمه‌یدی. ینه هم خوش‌میز و حکومت‌دن بو توغریده کوپراق توجه قیلیشی نی ایسته‌یمیز.»
بیزلرنینگ توییترده هم تعقیب قیلینگ!
ایکینچیلیک ایش بیلرمان‌لری نینگ ایتیشلریچه، افغانستان هوا‌سی اینیقسه جنوبی و شرفی بولیم‌لر هوا‌سی، قمپیر ایکیلیشی اوچون یخشی دیر و هر بیر جریب ییر‌ده، توقیز-توقیز مینگ ۵۰۰ قمپیر بوته‌سی نینگ ایکیلیش قابلیتی بار دیر.
ایکینچیلیک ایش بیلرمانی احمد‌ویس رسا نینگ ایتیشیچه: «قلمپیر ایکیلیشی اوتمیش ییل‌لردن بیری رواجلنگن و ایسیق منطقه‌لرده قلمپیر یخشی چیقه‌دی. قلمپیر نینگ چیقیشی اوچون اوزون زمان کیره‌ک و ۱۳ درجه سانتی‌گراد‌دن قویی بولگنی صورت‌ده، چیقمه‌یدی.»
رسا گه کوره، اوتمیش‌ده بلکه قلمپیر درست و مسلکی شکلده ایکیلمه‌س ایکن، بیراق حاضر ایسه مذکور قیین‌چیلیک‌لر حل بولگن. «قلمپیر ردیف‌لری نینگ فاصله‌سی ۶۰-۶۵ سانتی‌متر و بوته‌لری نینگ فاصله‌سی ایسه ۳۰ سانتی‌متر دیر. بیر جریب ییر‌ده ۹۰۰۰-۹۵۰۰ قلمپیر بوته‌سی نینگ ایکیلیشی ممکن.»
شونده‌ی بیرحالده، ننگرهار ایکینچیلیک، سووغاریش و چاروه‌چییک آمری نعمت‌الله اکبری نینگ ایتیشیچه، حاضر ایسه اوشبو ولایت نینگ تور‌لی تومن‌لری‌ده، ۳ مینگ ۳۱۹ هکتار ییر قلمپیر ایکیلگن دیر.
بیزلرنینگ فیسبوک صحیفه‌میزگه باش اورینگ!
اونگه کوره، «یالغیز بهسود تومنی‌ده ۶ مینگ ۶۰۲ تُن قلمپیر قولگه کیلگن و اوشبو محصول نینگ توپلش پروسه‌سی حاضرگچه دوام قیلماقده.»
باشقه بیر تامان‌دن، ننگرهار ده قلمپیر سوداگرلریدن قسیم‌خان نینگ ایتیشیچه، بو ییل مذکور ولایت‌ده اوتگن ییللر گه قره‌گنده قلمپیر آلیب و باشقه مملکت‌لر گه یوبارگن. اونینگ کوپه‌یتیریشیچه: «نیچه ییل‌دن بیری قلمپیر سوداگرلیگی بیلن شغللنگن‌مین. بو ییل ننگرهار ده باشقه ییللر گه قره‌گنده کوپراق قلمپیر آلدیم. قیمت‌لر یخشی دیر. مذکور قلمپیر‌لر نی افغانستان نینگ کوپینچه ولایتی گه انتقال بیریش اوچون سعی و حرکت قیله‌مین. بو ایش هم اوزیم و هم باشقه ایکینچیلر گه فایده‌لی بولیشی ممکن.»
افغانستان، ایکینچیلیک اقتصادی گه ایگه دیر و اونینگ ۷۵ فایز جمعیتی‌دن آرتیغی، ایکینچیلیک یولی آرقه‌لی حیات نیازلری نی تامین قیله‌دیلر که، ایکینچیلیک نینگ رواجلنیشی گه توجه قیلینیشی، اقتصاد رواجلنیشی گه سبب بوله‌دی.
