میدان‌وردک ده عسل اری‌چیلر و مسئوللر نینگ ایتیشلریچه، اوشبو ولایت‌ده اوتگن ییل گه نسبت عسل اریچیلیک فارم‌لری و خالص عسل تولیدی کوپه‌یگن.
۱۰ ییل‌دن بیری اریچیلیک بیلن شغللنگن میدان‌وردک ولایتی نرخ تومنی یشاوچیسی خیال‌نبی نینگ ایتیشیچه، ۳۰۰ گه یقین عسل اری صندیغی بار و بو یول آرقه‌لی ییل‌ده اونلب مینگ افغانی قولگه کیلتیره‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «سونگی کون‌لر عسل اریچیلیک کوپه‌یگن. هر منطقه‌ده اریچیلیک اوچون، امکانیت بار؛ چونکه اولر نینگ آوقتی کوپ دیر. ایچینچیلیک و چاروه‌چیلیک ریاستی اری‌چیلر گه یاردم بیریش‌لری کیره‌ک که، عسل اریچیلیک آرقه‌لی یخشی فایده قولگه کیلتیرسینلر.»
عسل اریچیلیک ایش بیلرمانی رسول‌خان، میدان‌وردک‌ده عسل اریچیلیک صناعتی رواجلنیشی گه اشاره قیلیب ایتیشیچه، اوشبو صناعت نینگ «کوپینچه فایده‌سی بار. بو ییل یاغیش‌لر کوپ ایدی و هر منطقه‌ده اری‌لر نی ییتیشتیریش اوچون آوقت و امکانیت موجود دیر.»
میدان‌وردک‌ده عسل ساتیب آله‌دیگنلردن حفیظ‌الله نینگ ایتیشیچه، اوشبو ولایت‌ده عسل تولیدی کوپه‌یگی بیلن، اهالی‌دن کوپ قطاری کمبغل‌لیک سبب، اونینگ تیارلش گه کوچی ییتیشمه‌یدی. اونگه کوره، میدان‌وردم مرکزی میدان‌شهر‌ده بیر کیلوگرام عسل بهاسی، ۵۰۰-۱۰۰۰ افغانی دیر.
عسل سوداگری رفیع‌الله نینگ ایتیشیچه، بازار گه کیفیت‌سیز عسل نینگ عرضه قیلیشی و اهالی نینگ اقتصادی قیین‌چیلیگی، اوشبو محصول بازاری نینگ تنزل گه یوز توتیشی گه سبب بولگن. اونینگ کوپه‌یتیریشیچه: «اسلام امیر‌لیگی عسل سوداگرلری و اری‌چیلر اوچون، ایش فرصت‌لری نی یره‌تیب و افغانستان تولیدی عسل نی ساتیلیش اوچون مملکت ایچی و تشقی گه عرضه قیلیشی کیره‌ک. اولر گه اریچیلیک و عسل ساتیلیشی اوچون فرصت‌لر نی یره‌تیش‌لری کیره‌ک.»
شونینگدیک میدان‌وردک ایکینچیلیک، سووغاریش و چاروه‌چیلیک ریاستی اورین‌باسری احسان‌الله نینگ ایتیشیچه، عسل اری‌چیلری و عسل تولیدی کوپه‌یگن و جاری ییل‌ده قریب ۸۴ تُن خالص عسل اوشبو ولایت‌ده تولید بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «میدان‌وردک ایکینچیلیک و چاروه‌چیلیک ریاستی ولایت مقامی، ایکینچیلیک و اقتصاد وزیرلیگی همکار‌لیگی بیلن، عسل اری‌چیلری خصوصیده تعلیم بیریب، عسل سوداگرلیگی اوچون آسایشته‌لیک و مملکت ایچیده عسل ساتیلیشی و خارج گه صادراتی اوچون کوپینچه ایش‌لر انجام بیریلگن.»
نیچه ییل‌دن بویان، اریچیلیک و عسل تولیدی، افغانستان ده رواجلنه‌‌دیگن سوداگرلردن بیری گه اوزگرگن و تورلی ولایت‌لرده کیچیک و بویوک فارم‌لر ایجاد بولگن دیر.
