اوزوم، مملکتده ییتیشتیریله‌دیگن میوه‌لردن بویوک بیر قسمینی تشکیل بیره‌دی، ایکینچیلیک، چاروه‌چیلیک و سووغاریش وزیرلیگی گه کوره، هر ییلی قریب ۹۰۰ مینگ تُن اوزوم مملکتده ییتیشتیریله‌دی.
قندهار ایکینچیلیک، سووغاریش و چاروه‌چیلیک ریاستی نینگ ایکینچیلیک بولیمی آمری شمس‌الرحمان موسا نینگ ایتیشیچه، مذکور ولایت‌ده ۲۰ مینگ ۵۰۰ هکتار ایکینچیلیک ییرلر گه اوزوم ایکیلگن. اونگه کوره، جاری ییل اوزوم حاصلاتی اوتگن ییل‌لر گه قره‌گنده، ۲۵-۳۰ فایز کوپه‌یگن.
قندهار ایکینچیلیک، سووغاریش و چاروه‌چیلیک ریاستی ایکینچیلیک بولیمی آمری نینگ سلام‌وطندار گه ایتیشیچه، اوشبو ریاست نینگ معلومات‌لری اساسیده، جاری ییل قندهار نینگ باغ‌لریدن قریب ۲۷۳ مینگ تُن اوزوم قولگه کیلیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیرشیچه: «قندهار ولایتی نینگ ۲۰ مینگ ۵۰۰ هکتار ییری اوزوم باغلری گه اختصاص بیریلگن که، اوشبو باغلر‌دن ۲یوز ۷۳ مینگ تُن ازووم قولگه کیلیشی ممکن.»
باشقه بیر تامان‌دن، اوزوم سوداگرلریدن قطاری نینگ ایتیشلریچه، قندهار نینگ ۹۰ فایز اوزومی پاکستان و ۱۰ فایز اوزومی ایسه هند گه صادر بوله‌دی، بیراق هوایی دهلیزلر نینگ موجود بولگنی بیرحالده، اوزوم نینگ خلق‌ارا بازار‌لر گه صادر قیلینیشی ممکن.
قندهار ده اوزوم سوداگرلریدن حاجی جمال‌شاه نینگ ایتیشیچه، بو ییل اوزوم حاصلاتی یخشی دیر و مذکور محصول نینگ یخشی بها بیلن مملکت‌دن تشقی گه ساتیلیشی نی کوتیب تورگن.
اونگه کوره، اوزوم نینگ سقلش اوچون ساووق‌خانه نینگ موجود بولگنی بیرحالده، اوشبو محصول ارزشی نینگ کوپه‌یشی ممکن.
شونده‌ی بیرحالده، قندهار سوداگرلیک اتاق‌لر اورین‌باسری عبدالباقی بینا نینگ سلام‌وطندار گه ایتیشیچه، حاضر ایسه صادرات خصوصیده توسیق‌لیک‌لر آلینگن و بیران قیین‌چیلیک چیقمه‌گنی صورت‌ده، بو ییل هند و پاکستان گه کوپینچه اوزوم نینگ صادر بولیشی ممکن.
بیزلرنینگ توییترده هم تعقیب قیلینگ!
عین حالده، اونینگ ایتیشیچه، تشقی موسسه‌لر همکارلیگی بولمه‌سدن هوایی دهلیزلر نی فعال قیله آلمه‌یدیلر، چونکه سرپرست حکومت‌ده بو ایش اوچون ییترلی امکانیت یوق.
جناب بینا نینگ کوپه‌یتیریشیچه: «اوتمیش بولگن هوایی دهلیزلر تشقی نهادلر و مملکت‌لر یاردمی بیلن توزه‌تیلگن ایدی، بیراق حاضر ایسه حکومت نینگ ییترلی امکانیتی یوق، انه شوو سبب هوایی صادرات ممکن ایمس. بو ییل ییر یولی آرقه‌لی صادرات‌ده قیین‌چیلیک یوق و صادرات نینگ کوپه‌یشی نی کوتیب تورگن‌میز.»
قندهار سوداگرلیک اتاق‌لر معلوماتی اساسیده، اوشبو ولایت نینگ صادراتی اوزوم ارزشی، اوتگن ییل ده ۸ میلیون ۹۹ مینگ دالر گه ییتیشگن ایکن.
