پنجشیر ده توت محصوللری نینگ ییغیش موسومی ییتیب کیلیشی بیلن، اوشبو ولایت ایکینچیلیک، سووغاریش و چاروهچیلیک ریاستی، بو ییل اوشبو محصول نینگ کوپهیگنیدن خبر بیرگن.
پنجشیر ایکینچیلیک، سووغاریش و چاروهچیلیک ریاست رئیسی حافظ فضلالله دیوبندی نینگ سلاموطندار گه ایتیشیچه، اوتگن ییل ۴ مینگ ۱۰۰ متریک تُن توت قولگه کیلتیرگنلری بیرحالده، بو ییل اوشبو ولایتده ۵ مینگ ۷۷۷ متریک تُن توت قولگه کیلتیرگنلر که، پنجشیر ده توت حاصلی نینگ ۳۵ فایز کوپهیگنی نی کورستهدی.
بیزلرنینگ توییترده هم تعقیب قیلینگ!
پنجشیر ایکینچیلیک، سووغاریش و چاروهچیلیک ریاست رئیسی اوشبو ولایتده بو ییل توت حاصلی نینگ کوپهیگنی سببی نی، ایکینچیلر تامانیدن مذکور میوه نینگ درست بیر شکلده ییغیلیشی و بیوقت یامغیرلر نینگ یاغمهگنی عنوان قیلگن.
اونگه کوره، اوشبو ولایتده یوزلب قاره و آق توت درختی بار که، اولردن کوپینچهسی مرکز و شُتل، عنابه و رخه تومنلریده دیر.
بیزلرنینگ فیسبوک صحیفهمیزگه باش اورینگ!
جناب دیوبندی نینگ کوپهیتیریشیچه، توت محصولی نینگ ستندرد و درست شکلده ییغیلیشی خصوصیده، باغدارلر همکارلیگی بیلن بیر قطار برنامهلر نی تطبیق و عمل گه آشیرگنلر.
شوندهی بیرحالده، پنجشیر ایکینچیلیک، سووغاریش و چاروهچیلیک ریاستی نینگ ایکینچیلیک محصوللر مسئولی محمد ذاکر نینگ ایتیشیچه، پنجشیر ده بیر مینگ ۵۰۰ هکتار ییر ده توتزارلر بار دیر.