سمنگان ده زردآلو باغدارلریدن قطاری، تازه میوه‌لر نینگ سقلش اوچون ستندرد موزخانه‌لر بیلن درست بازار یوقلیگیدن شکایت قیلیب و ایتیشلریچه، محصوللر نی ارزان ساتیش گه مجبورلر.
ایکینچیلیک بیلن ۱۵ کیشی‌لیک عایله خره‌جتی نی تامین قیله‌دیگن سمنگان مرکزی ایبک شهری‌ده‌گی باغدارلردن محمدعارف نینگ ایتیشیچه، موزخانه یوقلیگی و میوه‌لر نینگ خراب بولیشی سبب، محصوللریدن یخشی درآمد قولگه کیلتیره‌آلمه‌یدی. اونینگ کوپه‌یتیریشیچه، اوشبو قیین‌چیلیک نی سمنگان ایکینچلیک، سووغاریش و چاروه‌چیلیک ریاستی مسئوللری بیلن شریک قیلگن؛ بیراق اولر حاضرگچه هیچ قنده‌ی اقدام قیلمه‌گنلر. «موزخانه توزه‌تیشلری و محصوللریمیز گه بازار تاپیش‌‌لری کیره‌ک. قوروق‌چیلیک دیر. کسب و کار یوق.»
بیزلرنینگ توییترده هم تعقیب قیلینگ!
سمنگان ده باغدارلردن باشقه بیری صفت‌الله نینگ ایتیشیچه، بازارده هر سیر زردآلو بهاسی، ۵۰-۱۵۰ افغانی دیر. اونگه کوره، زردآلو نینگ پیشگنی بیلن بازار گه عرضه بولیشی کیره‌ک و موزخانه بولمه‌گنی صورت‌ده، باغدارلر اونی ارزان ساتیش گه مجبورلر. «بو ییل زردآلو حاصلی کوپ ایدی. اوشبو میوه‌لر نی ۱۰ یا-ده ۲۰ کون سقلش اوچون موزخانه لازم. بازار هم یخشی ایمس. قیمتی ۱۰۰ افغانی یا-ده ۷۰-۸۰ افغانی دیر. اوتگن ییل ۲۵۰-۳۰۰ افغانی ایدی.»
شوندهی بیرحالده، ایکینچیلیک ایش بیلرمانی نوراحمد دروی نینگ ایتیشیچه، ساتیش بازار بیلن ستندرد موزخانه یوقلیگی، درست شکلده پاکت‌لنمه‌یشی و باشقه موسوملی میوه‌لر عرضه بولیشی، زردآلو بهاسی خصوصیده تاثیر قویگن. اونینگ کوپه‌یتیریشیچه: «اهالی زردآلو اورنیده قاوون آله‌دیلر. قاوون بیلن زردآلو بیر پیتده بازار گه عرضه بوله‌دی.»
باشقه بیر تامان‌دن، زردآلو آله‌دیگن احمد‌نصیر نینگ ایتیشیچه، قول اوستیده سودا ساته‌دیگنلر نینگ توپلنگنی و میوه‌لر نینگ شهر نینگ آز جمعیت‌لی منطقه‌لری گه انتقال بیریلگنی، اوشبو میوه تقاضا‌سی کمه‌یگنی نینگ عامل‌لریدن دیر. «حقیقت‌ده مذکور میوه ساتیلیشی آز دیر. ۵۰-۲۰۰ افغانی دیر.»
قریب بیر دهه‌دن بیری زردآلو آلیب-ساتیش بیلن شغللنگن روح‌الله نینگ ایتیشیچه، زردآلو نینگ ساتیلیش بازاری کم دیر. «ییتی کیلوگرام زردآلو نی ۱۷۰ و ۱۸۰ افغانی آلدیک. بو وضعیت نینگ سببی ایسه، قندوز قاوونی اسمی‌ده کیچیک بیر قاوون نینگ بازارده کوپه‌یگنی دیر. اهالی هم اونچه زردآلو آلمه‌یدی.»
بیزلرنینگ فیسبوک صحیفه‌میزگه باش اورینگ!
شوندهی بیرحالده، سمنگان ایکینچیلیک، سووغاریش و چاروه‌چیلیک ریاستی‌ده باغ‌دارلیک مدیری محمد‌کبیر شریفی، زردآلو باغدارلری نینگ قیین‌چیلیگی نی تصدیق‌لب، اوشبو محصول نینگ ۲۰ فایز کوپه‌یگنی‌دن خبر بیرگن. اونینگ کوپه‌یتیریشیچه، اوشبو ریاست مذکور جاری ییل دهقانلر قیین‌چیلیگی حلی اوچون هیچ قنده‌ی برنامه‌سی یوق. اونگه کوره، «موزخانه و درست بیر ییر یوق. بو ییل ۱۲ مینگ تُن حاصلات بازار گه عرصه بولگن که، ۲۰ فایزی اوتگن ییل گه قره‌گنده کوپه‌یگن. بو ییل هیچ قنده‌ی برنامه قولده یوق.»
ایتیش کیره‌ک که، آفت‌لردن توسیق بولمه‌سلیک، بازار ایجاد بولمه‌سلیک و ستندرد موزخانه یوقلیگی، دهقانلر فعالیتی کمه‌یشی و مملکت اقتصادی نینگ زیان کوریشی گه سبب بوله‌دی.
