ارزگان مرکزی ترینکوت شهری‌ده کوچت ساتووچیلردن قطاری نینگ سلام‌وطندار گه ایتیشلریچه، اوتگن ییل‌لر گه قره‌گنده جاری ییل اوشبو ولایت‌ده کوچت ساتیلیشی قریب ۵۰ فایز کمه‌یگن.
اولر نینگ کوپه‌یتیریشلریچه، سونگی یاغیشلر سوو کوپه‌یشی خصوصیده امیدوارلیک یره‌تگنی بیرحالده؛ بیراق قوروقچیلیک سبب، یشاوچیلر کوچت ایکیش گه قیزیقمه‌‌گن.
بیزلرنینگ «ایکس» ترماغی ده هم تعقیب قیلینگ!
ترینکوت شهریده‌گی کوچت ساتووچیلردن عبدالباری نینگ ایتیشیچه: «اوتگن ییل‌لر گه قره‌گنده حاضر ایشلریمیز کمه‌یگن. اوتگن ییل‌لرده ۱۰ مینگ ساتیشی‌میز بار ایدی، حاضر ایسه ۵ مینگ و ۴ مینگ گه ییتیشگن.»
شونینگدیک کوچت ساووچیلردن باشقه بیر محمدرسول نینگ ایتیشیچه: «ایشی‌میز کوپ یخشی ایدی، بادام کوچتلری، یانغاق کوچتلری و باشقه هر قنده‌ی کوچت ساتیله‌ر ایدی؛ حاضر ایسه اهالی کیلیب حتا ایکی کوچت آلالمه‌یدی، چونکه قوروقچیلیک، بیراق اوتگن‌لرده ۱۰ کوچت آله‌ر ایدیلر.»
شونینگدیک ارزگان ده ایکینچیلردن قطاری نینگ ایتیشلریچه، قوروقچیلیک طفیلی اوشبو ولایت یشاوچیلری ییرلری گه کوچت ایکمه‌یدیلر.
اولر گه کوره، اوتگن ییل‌لر بیر قطار ییرلر گه ایکیلگن کوچتلر هم قوروقچیلیک سبب قوریگن دیر.
ارزگان ده ایکینچیلر، مسئوللردن قوروقچیلیککه قرشی کوره‌ش اوچون حل یول تاپیشلری نی ایسته‌گنلر.
ارزگان ده‌گی ایکینچیلردن محمد هاشم نینگ ایتیشیچه: «ایککنیمیز کوچت قوریگن، کوچت آلسم ینه قوریدی، چونکه قوروقچیلیک دیر.»
اوشبو ولایت‌ده‌‌گی ایکینچیلردن باشقه بیر گل‌احمد نینگ ایتیشیچه: «حکومت‌دن سوو توغانلری قوریلیشی نی ایسته‌یمیز که سوولر ضایع بولمه‌سین. سوو بولگنی‌‌ده ایکینچیلر گه ایش زمینه‌سی یره‌تیله‌دی.»
شونده‌ی بیرحالده، ارزگان ده محلی مسئوللر نینگ ایتیشلریچه، گرچند سونگی یاغیشلری طفیلی قوروقچیلیک میزانی کمه‌یگن، بیراق ینه هم قوروقچیلیک بیلن قرشی کوره‌ش اوچون ارزگان مرکزی ترینکوت شهری و تومن‌لریده ییتی سوو توغانی قوریلیشی ممکن.
بیزلرنینگ فیسبوک صحیفه‌میزگه باش اورینگ!
ارزگان حاکمی سوزلاوچیسی احسان‌الله حماس نینگ ایتیشیچه: «سوو نی ذخیره قیلیش اوچون، سوو توغانلری تصدیق‌لنیب و اولر نینگ عملی ایشلری باشلنگن و کیله‌سی ییل آغاجان و باشقه توغان‌لر ایشی باشلنیشی کوتیب توریلگن، مذکور توغان‌لر نینگ قوریلیشی بیلن سوو ذخیره بولیب و قوروقچیلیک طفیلی ایکینچیلر نینگ قیین‌چیلیگی هم حل بوله‌دی.»
ایتیش کیره‌ک که، نیچه ییل‌دن بیری قوروقچیلیک و اقلیمی اوزگریشلر افغانستان نینگ شمالی، جنوبی و غربی بولیم‌لریده‌گی ایکینچیلر گه تاثیر قیلگن دیر.
