تورکیه و سوریه‌ده یوز بیرگن کیت‌مه کیت زلزله‌لردن کیین، حاضرگچه قریب ۵ مینگ کیشی قربان بولگن دیر. گزارش‌لر اساسیده، تورکیه نینگ تورلی شهر‌لریده حاضرگچه قوتقرو عملیات نینگ دوامی بار.
شونده‌ی بیرحالده، تورکیه نینگ زلزله یوز بیرگن منطقه‌لریده قربان بولگن افغان‌لر نینگ رسمی رقمی حقیده حاضرگچه معلومات بیریلمه‌گن.
بیزلرنینگ توییترده هم تعقیب قیلینگ!
مالاتیا شهری‌ده یوز بیرگن زلزله‌ده جدی شکلده زیان کورگن افغانستان یشاوچیلریدن بیری شاداب ژکفر گه کوره، افغان مهاجرلردن کوپ قطاری دیوار‌لر آستیده قالگن دیر.
اونینگ سلام‌وطندار گه ایتیشیچه، حاضرگچه افغانستان یشاوچیلریدن ۹ ته‌سی اوشبو زلزله‌ده یره‌لنگن.
اونینگ کوپه‌یتیریشیچه: «نوشهیر، اسماعیلیه و مالاتیا شهر‌لری یقینی‌ده‌گی دوست‌لریدن کوپینه‌سیدن خبر‌ی‌میز بار که دیوار‌لر آستیده قالگنلر. شونینگدیک دوست‌لریمیز نینگ حداقل فامیل‌لریدن ایکی‌ته‌سی بار که بنا‌لر آستیده قالگن و اولر نی قوتقروو اوچون اقدام بولگن، لیکن حاضرگچه دیوار‌لر آستیدن چیقریلمه‌گنلر.»
باشقه بیر تامان‌دن، افغانستان یشاوچیلریدن کوپینچه‌سی اینیقسه تورکیه نینگ «هاتای» شهری‌ده حیات کیچیره‌دیگنلر، زیان خوفی‌ده قرار تاپگن ایکین‌لر؛ بیراق حاضرگچه اولر نینگ وضعیت‌لریدن هیچ بیر خبر قولده یوق.
بیزلرنینگ فیسبوک صحیفه‌میزگه باش اورینگ!
تورکیه ده «ترکستان ایل‌لری» اسمی‌ده حیات کیچیره‌دیگن افغانستان یشاوچیلر انجمن‌لریدن بیری نینگ مسئوللریدن احمد بایواریث نینگ سلام‌وطندار گه ایتیشیچه، اوشبو انجمن آدرسی‌ده یاردم ارایه قیلیش اوچون بیر تیم نی هاتای شهری گه یوبارگن؛ بیراق انترنت و مخابراتی ترماق‌لر نینگ فعال بولمه‌یگنی سبب، اوشبو شهرده حیات کیچیره‌دیگن افغانستان یشاوچیلری بیلن تماس آلیش گه موفق بولمه‌گنلر.
اونینگ کوپه‌یتیریشیچه: «وطن‌داش‌لریمیز‌دن کوپ قطاری هاتای‌ده حیات کیچیره‌ر ایدی و حاضرگچه اوشبو واقعه‌ده اولردن قنچه‌سی شهید و یره‌لنگنی خصوصیده هیچ بیر رسمی منبع معلومات بیرمه‌گن. استانبول ده «ترکستان ایل‌لری» اسمی‌ده بیر انجمنی‌میز بار و بو یول‌دن یاردم یوباردیک، بیراق حاضرگچه تیمی‌میز هم منطقه گه ییتیشمه‌گن چونکه، قریب ۱۶۰۰ کیلومتر یول دیر.»
ایتیش کیره‌ک که، دوشنبه کونی تورکیه و سوریه‌ده ۷.۴ درجه ریشتر زلزله یوزیب و یشاوچیلر گه کوپینچه جانی و مالی زیان ییتیشتیرگن. گزارش‌لر اساسیده، تورکیه نینگ جنوب‌شرقی و سوریه نینگ بیر قطار بولیم‌لریده یوز بیرگن زلزله نتیجه‌سیده، حاضرگچه بیش مینگ‌دن آرتیق کیشی اولیب و ۲۰ مینگ‌دن آرتیق کیشی ایسه یره‌لنگن.