خبرچیلر ملی کونی ده، افغانستان ایرکین میدیالریدن حمایت قیلووچی نهاد (نی) مسئوللری نینگ ایتیشلریچه، اسلام امیرلیگی حاکمیتیدن کیین، خبرچیلر گه قرشی ۲۸۶ زوره‌وانلیک واقعه ثبت ایتیلگن. خبرچیلر گه قرشی زوروانلیک‌لر کلتکلش، حقارت قیلیش و اوز باشیمچه‌لیک شکلده قولگه آلیش دن عبارت دیر.
نی مسئولی ظریف کریمی نینگ ایتیشیچه، کونسه‌یین افغانستان ده خبرچیلر گه قرشی زوره‌وانلیک‌لر کوپه‌یماقده دیر.
او نینگ کوپه‌یتیریشیچه: «اسلام امیرلیگی حاکمیتیدن کیین، خبرچیلر گه قرشی ۲۸۶ زوره‌وانلیک واقعه قید ایتیلگن که اوز باشیمچه‌لیک شکلده قولگه آلینیش واقعه‌لری کوپه‌یگنینی کورسته‌دی. اسلام امیر‌لیگی‌دن خبرچیلر گه معلومات بیریش اوچون یخشی زمینه یره‌تیب و اولرنی حقارت قیلیش و اوز باشیمچه‌لیک شکلده قولگه آلینمسلیک‌لرینی طلب قیله‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، خبرچیلردن قطاری نینگ ایتیشلریچه، اوتگن بیر یریم ییل ده، نیچه مراتبه مطبوعاتی ییغیلیش و اعتراض قیلگنلری سبب، قولگه آلینگنلر.
نور تلویزیونی نینگ خبرچیلریدن بیری سیدبلال‌الدین صیاد نینگ ایتیشیچه: «اسلام امیرلیگی حاکمیتیدن بیر ییل دن سونگ، خبری ییغین‌لر گه شرکت قیلگنیم و اعتراضلرنی پوشش بیرگنیم اوچون قولگه آلینیب و کلتکلندیم و حاضرگی وضعیت خبرچیلردن کوپینچه‌سی گه زیان ییتیشتیره‌دی.»
شونینگدیک شمشاد تلویزیونی نینگ خبرچیلریدن باشقه بیری سمیع‌الله الکوزی نینگ ایتیشیچه: «خبرچیلردن قطاری بیلن همکارلیک قیلمه‌یدیلر و خبرچیلر کوپراق معلومات گه قول تاپه آلمه‌یدیلر، بو خبرچیلیک ایشلری اوستیگه سلبی تاثیری بار.»
شونده‌ی بیرحالده، معلومات و مدنیت وزیرلیگی مسئوللری نینگ ایتیشلریچه، امنیتی هیچ بیر نهاد گه خبرچیلر فعالیتی گه اره له‌شیش رخصتی بیریلمه‌یدی.
بیزلرنینگ توییترده هم تعقیب قیلینگ!
اوشبو وزیرلیک نینگ نشرات ایشلری بوییچه معینی حیات‌الله مهاجر فراهی نینگ ایتیشیچه: «خبرچیلر هماهنگ‌لیک قیلمسدن خبرلرنی پوشش بیریش جریانیده بعضی قیینچیلیکلر تاپیلگنینی قبول قیله‌میز، بیراق خبرچیلر بیران قیین‌چیلیک بیلن روپه‌ره بولگن تقدیرده، رسانه‌لر تخطی کمیسیونی گه مراجعت قیلیش‌لری کیره‌ک.»
عین حالده، نیچه آی‌دن بیری آزاد خبرچی خیرالله پرهر و فرانسه‌لیک افغان‌تبار خبرچی مرتضا بهبودی، نامعلوم سبب اسلام امیرلیگی تامانیدن قولگه آلینگن.
ایتیش کیره‌ک که، ۲۰ حوت ده بلخ ولایتی تبیان فرهنگی_اجتماعی مرکزی ده اویوشتیریلگن پارتلش ده، ایکی خبرچی اولیب و کمیده ۱۶ خبرچی یره‌لنگن.
