افغانستان میدیالری و ژورنالیست‌لر نهادلری فدراسیونی، بوگون کابل‌ده مطبوعاتی ییغین یولگه قوییب، میدیالر و ژورنالیست لر نینگ اقتصادی وضعیتی گه دایر ینگی گزارشینی شریک قیلدی.
اوشبو فدراسیون رهبرلیک هیات عضوی حجت‌الله مجددی نینگ ایتیشیچه، آخرگی سیاسی اوزگریشلر و اسلامی امارت حاکمیت‌نی قولگه آلیشیدن کیین، قریب ۴۰ فایز رسانه‌لر یاپیلگن. اونگه کوره، اقتصادی معمالر طفیلی، میدیا ایشلاوچیلری‌دن ۶۰ فایز ایرکک‌لر و ۸۰ فایز عیال ایشلاوچیلری وظیفه‌لرینی قولدن بیرگن‌لر.
بیزلرنینگ فیسبوک صحیفه‌میزگه باش اورینگ!
حجت‌الله مجددی، ییتکیرمه‌لر نینگ اقتصادی قیینچیلیک‌لری گه دقت قیلینمه‌گن حالده، قطار میدیالر نینگ فعالیتی توخته‌یشیدن آگاه لنتیره‌دی.
ژورنالیست‌لر و مخبرلر نهادلری فدراسیونی نینگ گزارشی‌ده کیلیشیچه، میدیا ایشلاوچیلری اقتصادی قیینچیلیک باعث مملکت‌نی ترک قیلیب، شاقه ایش قیلیش گه مجبور بولگن‌لر.
انه‌شوحالده، مخبرلردن بیرقطاری، افغانستانده‌گی ییتکیرمه‌لر وضعیتیدن خواطر بیلدیریب ایتیشلریچه، قطار ژورنالیست‌لر مسلک‌لرینی ترک قیلیب باشقه ایش‌لر گه یوز کیلتیرگن‌لر. مذکور ژورنالیست لر نینگ تأکیدلشیچه، خلق‌ارا جمغرمه‌لر و خبرنگارلرنی قوللب قوتلاوچی اداره‌لر خبرچی‌لر نینگ وضعیتی گه دقت قیلمه‌گن تقدیرده، اولر اقتصادی و باشقه قیینچیلیکلر گه روپه‌رو بولیش‌لری ممکن.
بیزلرنینگ توییترده هم تعقیب قیلینگ!
عین‌حالده، معلومات و مدنیت وزیرلیگی نینگ نشرات باشلیغی عبدالحق حماد اوشبو مطبوعاتی ییغینیده ایتیشیچه، اسلامی امارت یالغیز دولتی میدیالر نینگ مالیه‌وی حمایه قیلیش گه مسئول دیر. اونگه کوره، ایرکین میدیالر نینگ مالیه‌وی قیینچیلیکلرینی حل قیلیش اوز مسئولیت لری دیر.
عین‌حالده افغانستانده ایکی سنه‌دن بویان فعالیت قیلیب کیلگن بیرینچی خصوصی تلویزیون آئینه و میدان وردک ولایتیده خصوصی میدیالردن تجلا رادیو تلویزیونی، اقتصادی قیینچیلیک باعث ینگی لیکده فعالیت‌لرینی توخته‌تگنلر.
