خلق‌ارا بانک اوزی نینگ ییلیک گزارشیده دنیا مملکتلری نینگ اقتصادی وضعیتی خصوصیده خواطر بیلدیرگن. خلق‌ارا بانک نینگ ایتیشیچه، ۱۹۷۰- ییلدن کیین بو بیرینچی مراتبه دیرکه دنیا مملکتلری نفت و آزیق-اوقات بهاسی آشگنی باعث اقتصادی بحران گه روپه بولگنلر.
خلق‌ارا بانک نینگ گزارشی اساسیده اوشبو اقتصادی بحران رواجلنمه‌گن مملکتلرده کوپینچه، زیان ییتیشتیریشی ممکن.
خلق‌ارا بانک دنیا مملکتلری اقتصادی وضعیتینی کوزه‌تیش بوییچه بولیمی نینگ رئیسی اهیان کوسی اوشبو وضعیتدن خواطر بیلدریب ایتیشیچه، دنیا نینگ اقتصادی اوتگن، ۸۰ ییلگه قره‌گنده کوزگه کورینرلی درجه‌ده قویی کیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستانده اقتصادی ایش بیلرمانلر دن قطاری نینگ ایتیشلریچه، افغانستان وارداتی بیرمملکت دیر حاضر یامان اقتصادی بیر وضعیت‌گه قرار تاپگن و یشاوچیلردن کوپینچه‌سی ایش‌سیزلیک وقشالیک بیلن روپه‌ره دیر.
اولرنینگ ایتیشلریچه، آزیق-اوقات بهاسی هر کون آشه‌دی و اسلامی امارت بیرینچیدن آزیق-اوقات استراتژیک ذخیره‌گاه‌لرینی نظارت قیلیشی کیره‌ک، عکس‌حالده، دولت و مملکت یشاوچیلری کیسکین اقتصادی بحران‌گه روپه‌ره بولیشلری ممکن.
اقتصادی ایش بیلرمان ذکریا حیدری نینگ ایتیشیچه، دنیاده یوز بیرگن هر بیر یامان واقعه نینگ افغانستان اوستیگه سلبی تأثیری بار و آزیق-اوقات بهاسی کوزگه کورینرلی درجه‌ده آشگن، مملکت یشاوچیلریدن کوپینچه‌سی عایله‌لری نینگ آزیق-اوقات‌لرینی تأمین‌لشگه قادر ایمس‌لر.
عین‌حالده، اقتصاد وزیرلیگی نینگ سوزلاوچیسی عبدالرحمان حبیب، دنیا مملکتلری نینگ اقتصادی وضعیتینی خواطرلی عنوان قیلیب ایتیشیچه، اسلامی امارت افغانستان اقتصادی وضعیتینی یخشی لَنتیریش اوچون تورلی چاره تدبیرلر جمله‌دن، قوش تیپه پروژه‌سی کبی کتته-کیچیک پروژه‌لرنی قول آستیده آلگن.
اونینگ کوپه‌یتیریشیچه، مملکتده قشاقلیک و کمبغلیک سطحی نی قویی کیلتیریش اوچون کانلر، ایکینچیلیک و سوو برق وزیرلیکلری ینگی لایحه اوستیده ایش قیلماقده‌لر مذکور لایحه ایشی یقین پیتده یکونله‌دی.
بیزلرنینگ توییترده هم تعقیب قیلینگ!
ایتیش کیره‌ک دیرکه خلق‌ارا بانک هر ییل دنیا مملکتلری نینگ اقتصادی وضعیتی خصوصیده گزارش ترقته‌دی، اوشبو نهاد اوتگن ییل هم افغانستان اقتصادی وضعیتی و اوشبو مملکت تولیدی کمه‌یگنی خصوصیده خواطر بیلدیریب، افغانستانده یوز بیرگن اوروش‌لرنی اونگه دلیل قیلیب کورستگن ایدی.
کرونا ویروسی نینگ ترقه‌لیشی و اوندن کیین اوکراین بیلن روسیه مملکتلری اورته‌سیده یوز بیرگن توقنشوو دنیا و خصوصاً افغانستانده نفت و آزیق- اوقات بهاسی نینگ کوتاریلیشی‌گه سبب بولگن.
