دنیا بانکی گه کوره، افغانستان نینگ قیته قوریش صندوقینی مدیریت قیلیش کمیته (ARTF)، افغانستان فقرالری گه ضروری و ساغلیک ماده‌لر امکانیتینی یره‌ته دیگن ۷۹۳ میلیون دالرلیک ۳ ته پروژه‌نی تصویب قیلگن.
دنیا بانکی اوتگن کون (جمعه، ۱۳ جوزا)، بیر بیانیه ترقه‌تیب ایتیشیچه، اوشبو پروژه‌لر اسلامی امارت حکومتی نینگ نظارتیدن تشقری، بیرلشگن ملت‌لر تشکیلاتی و غیر دولتی تشکیلات‌لر نهادلری آرقه‌لی عملی بولیشی ممکن.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه، افغانستان اضطراری ییگولیک ماده‌لر امنیتی پروژه، ییگولیک ماده‌لر تولیدی اوچون دهقان‌لر گه ۱۹۵ میلیون دالر یاردم بیریب و ییگولیک ماده‌لر امنیتی یامانلنیشینی آلدینی آلیشی ممکن.
مذکور پروژه ده کوپراق بوغدای تولیدی اوچون دقت قیلینه‌دی، ۲۰۲۲ ییل نینگ نوامبر آیی ده ایکیش موسومیده قریب ۳۰۰ مینگ عایله و ۲۰۲۳ ییل نینگ مارچ آیی دن نوامبر آی گه قدر ایکیش فصلی ده، ۳۰۰ مینگ عایله گه یاردم بیره‌دی.
افغانستان جمعیتینی قوللب قوتلش عنوانی ده باشقه بیر پروژه، قریب ۲۶۵ میلیون دالر خرجت بیلن، افغانستان نینگ قیشلاق و شهر منطقه‌لریده آز مدتلی و ضروری خدمت‌لر گه شرایط یره‌ته‌دی.
مذکور پروژه دن مقصد، افغانستان بویلب آلتی مینگ ۴۵۰ قیشلاق همده بامیان، هرات، جلال‌آباد، کابل، قندهار، خوست، قندوز و بلخ شهرلری ده بیر میلیون عایله گه ایش زمینه‌لرینی یره‌تیش دیر.
افغانستان ساغلیق‌نی سقلش اضطراری گه جواب قیتیریش، دنیا بانکی نینگ باشقه بیر پروژه‌سی دیر که ۳۳۳ میلیون دالر هزینه بیلن، ساغلیک خذمت‌لری صفتینی آشیریش و باشقه طبی ساحه‌ده ایشلشی ممکن.
مذکور پروژه دن مقصد، مملکت بویلب ۲۳۰۰ ساغلیک مرکزده ملی و خلق‌ارا یاردم بیروچی‌لر بیلن، طبی داروـدوا، ییگولیک ماده یره‌تیش و کووید ۱۹ گه قرشی کوره‌ش دیر. بو پروژه ایکی میلیون باله‌نی بوتونلی تأمینلش مقصد اولر گه یاردم بیره‌دی و ۱.۲ میلیون عیال گه توغیش امکانیت‌لرینی یره‌ته‌دی.
بیزلرنینگ توییترده هم تعقیب قیلینگ!
دنیا بانکی مارچ آیی ده، آلتینچی صنف‌دن یوقاری قیز اوقووچیلری گه مکتب باریش اجازه بیریلمسلیگی گه دایر اسلامی امارت نینگ قراری گه عکس‌العمل کورسه‌تیب، ۶۰۰ میلیون دالرلیک تورت پروژه ایشینی توختدی.
نیچه کون آلدین، رویترز آژانسی ایکی آگاه منبع‌دن نقل قیلیب، دنیا بانکی افغانستان ده ساغلیک، ایکینچیلیک و تیریکچیلیک نیازمندلیکلری ساحه‌لریده اوچ پروژه‌نی قیته باشلشینی بیلدیردی، بیراق معارف ساحه‌سیده ۱۵۰ میلیون دالرلیک پروژه‌لرنی سقله‌یدی.
