روسیه رسمیلری، اوکرایندهگی اوروشنی میلادی ۲۰۲۶-ییلده یکونلش ایستهگنی بیلدیرگن.
خلقارا ییتکرمهلرنینگ معلوماتیگه کوره، روسیه فدراسیونی کینگشینینگ خلقارا ایشلر کمیتهسی باشلیغی، مسکو اوکرایندهگی اوروشنی میلادی ۲۰۲۶-ییل دوامیده یکونلشنی ایستهشینی معلوم قیلگن.
اونینگ سوزلریگه کوره، روسیه حربی عملیاتنی شو ییلنینگ اوزیده توگهتیشدن منفعتدار، بیراق بو فقط روسیهنینگ خواهشی یا کی حربیلرینینگ حرکتیگه باغلیق ایمس. او شوندهی دیگن: «بیز، طبیعی کی، بو ماجرانی شو ییلده یکونلشنی ایستردیک، لیکن مسئله فقط بیز گه، ییگیتلریمیزنینگ و بوتون مملکتنینگ قطعیتی گه باغلیق ایمس.»
اونینگ تأکیدلشیچه، ماجرانینگ قچان توگهشی خلقارا وضعیت و اوکراین قوراللی کوچلرینینگ روسیه حدودیگه ضربهلری بیلن هم باغلیق.
روسیه و اوکراین اورتهسیدهگی اوروش میلادی ۲۰۲۲-ییل فبروری آییده باشلندی و حاضرگچه دوام ایتماقده. دنیا ایکینچی اوروشیدن کیین بو اروپا بویلب اینگ اوزون و قانلی ماجرالردن بیریگه ایلنگن. بو اوروشنی توگهتیش اوچون برچه خلقارا سعی-حرکتلر هلیگچه نتیجه بیرمهگن.
