هجوملر توختهتیلیشی اوچون امریکا جمهور باشلیغی دونالد ترامپنینگ ایستهگی بولگنی بیرحالده، اسرائیل ینه بیرمرته نوار غزهنی بمباردمان قیلگن که نتیجهده، کمیده ۲۴ فلسطینلیک قربان بولگن.
الجزیره ترماغینینگ بوگون (۱۴-میزان، دوشنبه)، گزارش بیریشیچه، اسرائیلنینگ اوتگن بیر کیچهوکوندوزده نوار غزه گه اویوشتیرگن هجومی نتیجهسیده، باشقه اونلب کیشی یرهلنگن.
بیزلرنینگ فیسبوک صحیفهمیزگه باش اورینگ!
اسرائیل و حماس هیئتلری، بوگون مصر ده آتیش کیسین بوییچه ۲۰ مادهلیک ریجهنینگ عملگه آشیریلیشی حقیده نامستقیم مذاکرهلرنی باشلشلری ممکن؛ بو ریجه بیلن ایکی تامان بوتونلی طرزده کیلیشگنینی بیلدیرگن.
مذکور ریجه اساسیده، حماس گروگه آلینگن اسرائیللیکلردن برچهسینینگ آزاد قیلیشی و اسرائیل کوچلرینینگ غزه دن «سریق چیزیق» -اگست آییدهگی جایلشوو جاییگچه- آرتگه چکینیشی کیرهک. شوندهی بیرحالده، اسرائیل مدافعه وزیریگه کوره، مذکور مملکت اردوسی «اسرائیل جمعیتینی سقلش مقصد» غزهنینگ اَیریم بولیملری کنترولینی سقلب قالیشی ممکن.
بیزلرنینگ «ایکس» ترماغی ده هم تعقیب قیلینگ!
اسرائیل باشوزیری بنیامین نتانیاهو، گروگه آلینگنلر آزاد بولیشی بوییچه کیلیشوونینگ اوشبو هفته یکونلنیشی توغریسیده امیدوارلیک قیلگن. شونینگدیک امریکا جمهور باشلیغی دونالد ترامپ، مذاکرهلرنی «یخشی» دیب و ایکی تاماندن تیزلیک بیلن عمل قیلیشلرینی سورهگن.
مصر، اردن، قطر، سعودی عربستان، تورکیه، بیرلشگن عرب امیرلیکلری، اندونزیا و پاکستان تشقی ایشلر وزیرلری، قوشمه بیر بیانیهده ترامپ ریجهسی دایرهسیده حماسنینگ اقداملری جملهدن گروگه آلینگنلر آزاد بولیشی و تکنوکراتلرنینگ وقتینچهلیک دولتیگه غزه کنترولی تاپشیریلیشی اوچون تیارگرلیگینی خوش قرشیلب و اسرائیلدن تیزلیک بیلن بمباردمان قیلینیشنینگ توختهتیلیشینی ایستهگن.
