رویترز آژانسینینگ بوگون (۱۶-جوزا/۶-جون، شنبه)، گزارش بیریشیچه، اوکراین ده خرسوننینگ جنوبی حدودلریگه روسیه آرقهلی اویوشتیریلگن هجوملر نتیجهسیده، بیش کیشی اولیب و باشقه ییتی کیشی یرهلنگن.
گزارش اساسیده، مذکور تلفات روسیهنینگ خرسون گه قرشی اویوشتیرگن اَیری اوچ هجومیده یوز بیرگن.
خرسون، ۲۰۲۲-ییلده روسیهنینگ اوکراینگه قرشی هجومیدن آلتی آی اوتگنی کیین، اوز حدودیگه قوشیب آلگن تورت منطقهدن بیری حسابلنهدی.
اوروشنینگ دستلبکی باسقیچلریده روسیه کوچلری اوشبو حدودنینگ کوپینچه قسملرینی ایگهلب آلگن، بیراق اوکراین کوچلری کیین اونینگ اَیریم قسملری جملهدن خرسون شهرینی قیته قولگه کیلتیرگن.
روسیه و اوکراین اوروشی ۲۰۲۲-ییلده باشلهنیب و حاضرگچه مینگلرچه کیشینینگ اولیمی و میلیونلب کیشینینگ آواره بولیشیگه سبب بولگن. شونینگدیک آتیش کیسین برقرار بولیشی اوچون دیپلماتیک سعیوحرکتلر هم حاضرگچه نتیجه بیرمهگن.
