ایران ییتکرمهلرینینگ خبر بیریشیچه، امریکا حربی کوچلرینینگ هرمز بوغوزیده بیر نیچته کیچیک قییق گه قیلگن هجوملری عاقبتیده کمیده بیش کیشی اولگن.
خبر گه کوره، ۱۴ ثور/۴ می، دوشنبه کونی هرمز بوغوزیده امریکا تامانیدن نشانگه آلینگن آلتی کیچیک قییق اسلام انقلابی قوریقچیلریگه تیگیشلی بولمهگن، بلکی یوک و یولاوچیلرنی تشووچی تینچ اهالی سوزوچی واسطهلر بولگن.
تسنیم آژانسی، ایران حربی عملدارلریگه اساسلنیب، اوشبو هجوملرده بیش کیشی اولگنینی بیلدیردی.
عکسینچه، امریکا مرکزی قوماندانلیگی (سنتکام)، «سیهاوک» و «آپاچی» حربی تیکاوچرلری ایران کیچیک قییقلرینی – تجاری کیمهلر کیزیشیگه تهدید قیلردی نشانگه آلگنینی ایتگن.
حاضرده هرمز بوغوزیدهگی ضدیت کیسکینلیگیچه قالماقده. امریکا بو یونهلیشده سودا کیمهلر قتناوینی حمایه قیلیش ریجهسیگه موافق اوز حضورینی کوچهیتیرگنینی معلوم قیلگن، ایران ایسه بو حرکتلرنی تحریک قیلووچی و آتیش کیسین کیلیشووینی بوزیش دیب بهالهگن.
