افغانستان مرکزی بانکی، ایسکیرگن ۲ میلیارد ۵۴۱ میلیون ۶۴۵ مینگ افغانینینگ آلاو بیریلگنینی معلوم قیلگن. اوشبو بانک، بوگون (۲۸-سرطان، یکشنبه)، اکس صحیفهسیده بیر بیانیه ترقهتیب و یازیشیچه، مذکور مقدار پول اوتگن قمری ییل جریانیده بازاردن ییغیلیب و آلاو بیریلگن.
اسلام امیرلیگی باش وزیرینینگ اقتصادی اورین باسرلیگی، مملکتده قریب بیر میلیون کیشی مستقیم و نامستقیم طرزده «قالین» توقیش صناعتی بولیمیده ایشلهیاتگنینی معلوم قیلدی. اوشبو اداره، بوگون (۲۷ سرطان/۱۸ جولای، شنبه) ایکس اجتماعی ترماغیده سونگی تورت ییل دوامیده بو صناعت سیزیلرلی درجهده رواجلنیب و تشقی بازارلر گه صادرات رقمی آشگنینی بیلدیردی.
افغانستان سودا و سرمایه کیریتیش اتاقی، بوگون (۲۷ سرطان/۱۸ جولای، شنبه) ایکس اجتماعی ترماغیده بیر بیانیه ترقهتیب، ایکی تامان قوشمه کورگزمهلر، سودا آلیش-بیریش و اوزاق مدتلی همکارلیکلرینی رواجلنتیریش گه کیلیشیب آلگنلرینی بیلدیرگن.
پایتخت کابل شهریده تیل و گاز ساتووچیلر همده موتر هیداوچیلردن ایریملری، اوتگن تورت کونگه نسبتن تیل و گاز نرخی سیزیلرلی درجهده آشگنینی معلوم قیلهدیلر. کابل شهریده «تیل تانکی» ایگهسی عبیدالله گه کوره، ایلگری هر بیر کیلو گاز ۶۴ افغانی ایدی، بیراق سونگی کونلرده بو رقم ۷۴ دن ۸۰ افغانیگه آشگن.
اسلام امیرلیگی ترانسپورت و هوا یوللری وزیرلیگی، افغانستان، ایران و تاجیکستان اورتهسیده اوچ تامانلمه ترانسپورت یولی تشکیل ایتیلیشینی معلوم قیلدی.
بدخشان ولایتی ارغنجخواه تومنیده جایلشگن شیوه دشتی دهقانلریدن قطارینینگ ایتیشلریچه، بیردن هوا ساووق بولیب قالیشی، ترتیبسیز یاغیشلر و اوسیش موسومینینگ قیسقهلیگی سبب، هر بیر جریب ییردن اورته شکلده یالغیز قریب ۷۵ کیلوگرام بوغدای آلگنلر؛ شوندهی بیرحالده، ایکینچیلیک ایش بیلرمانلرگه کوره، بدخشان ولایتی فیضآباد و ارگو تومنلری همده باشقه بیر قطار منطقهلرده هر بیر جریب ییردن ییغیم-تیریم میزانی ۳۵۰ دن ۵۰۰ کیلوگرام دییلهدی. اولرنینگ ایشانچیگه کوره، اوشبو سیزیلرلی فرقلر نهفقط عایلهلر درآمدینی کمهیتیرگن، بلکیم دهقانلردن قطارینینگ حیات خرهجتلرینی تامینلش اوچون ایش مهاجرتیگه قرهم قیلیب قویگن.
هرات ده کییم-کیچک ایشلب چیقرووچیلر اویوشمهسی باشلیغی عزیزالله نورزیگه کوره، قریب ۳۰۰ مینگ دالرلیک تولیدی کییملرنینگ ایکینچی یوکی، عراققه صادر بولگن.
اوچ ییل آلدین کابل ده بیر عیال ۱۰ مینگ افغانی سرمایه بیلن صناعتی بیر ایشخانهنی آچیب و مذکور ایشخانهده، رزین اپوکسی کیمیایی مادهدن فایدهلنیش آرقهلی تورلیخیل محصوللر ایشلب چیقریلهدی. شونینگدیک اوشبو ایشخانه حاضر ایسه قریب ۲۰۰ عیال و قیزگه مذکور صناعتنینگ اورگهنیش همده درآمد قولگه کیلتیریش امکانیتی یرهتگن.
قندزو ولایتی قلعهزال، کلباد و گل تیپه تومنلری اهالیسی، یوللرنینگ بوزوقلیگی سببلی باشقه تومنلر گه باریب کیلیش اوچون قیینچیلیک بیلن دوچ بولیشلرینی ایتهدیلر.
بلخ مرکزی مزارشریف شهریده خصوصی بیر سکتورنینگ سرمایه کیریتیشی بیلن نفت مادهلری صفتینی سیناودن اوتکزیش همده کنترول قیلیش تخصصی بیر مرکز ایشگه توشیریلدی.
حقوقشناس و دین عالملری، عیاللرنینگ ایشلشینی اولرنینگ شرعی و قانونی حقی بیلیشسه-ده، دایکندیده ایریم عیاللر حیاتدهگی باسیملر، اوی-روزغار مسئولیتلری و عنعنوی قرهشلر تورموش گه چیققنیدن همده آنه بولگنیدن کیین ایشینی دوام ایتتیریشیگه اساسی توسیق بولهیاتگنینی ایتهدیلر.
کابل شهری اهالیسی و هیداوچیلری، سونگی ایکی کوندن بیری گاز و یاقیلغی نرخلری اوتگن هفته گه نسبتن سیزیلرلی درجهده آشگنینی ایتهدیلر. کابل دهگی تیل تانکلری تامانیدن سلاموطندار بیلن شریک قیلینگن معلوماتلریگه کوره، اول هر کیلو گاز ۵۵ و ۶۵ افغانیگچه ساتیلردی، بیراق سونگی ایکی کونده بو نرخ ۷۰-۸۰ افغانیگچه کوتریلگن.
ایکینچیلیک، سووغاریش و چارواچیلیک وزیرلیگی، بغلان ولایتیده «قاوون و تربوز» حاصلی ۱۵ فایز گه آشگنینی معلوم قیلدی.
اسلام امیرلیگی باش وزیرینینگ اداری اورین باسری عبدالسلام حنفی، بوگون (۲۱ سرطان/۱۲ جولای، یکشنبه) حکومت ییتکرمهلر مرکزیده مالیه وزیرلیگینینگ سالیق امتیازلرینی شریک قیلیش مطبوعاتی ییغیلیشیده، تیل و گاز وارد قیلووچی شرکتلردن بیر تُنده ۵۰ افغانی سالیق آلینیشینی بیلدیردی.
بیرلشگن ملتلر تشکیلاتی بنگیوار مادهلر بیلن قرشی کورهش ادارهسینینگ اعلام قیلیشیچه، ایتالیا تشقی ایشلر وزیرلیگی همکارلیگی بیلن، افغانستان ده عیاللر اوچون قانونی و برقرار درآمد منبعلرینینگ یرهتیش دستورلرینی قوللب-قوتلهیدی.
اسلام امیرلیگی مالیه وزیری محمدناصر آخوند، اوشبو وزیرلیکنینگ سالیق امتیازلرینی شریک قیلیش مطبوعاتی ییغیلیشیده ایتیشیچه، سالیق تولش ینگی ایش فرصتلرینی یرهتیب تولید و صادرات آشیشیگه سبب بولهدی.
