اسلام امیرلیگی کانلر و پترولیم وزیرلیگی سوزلاوچیسی همایون افغان‌نینگ ایتیشیچه، هرات ولایتیده تاپی لایحه‌سی‌نینگ لوله تارتیش یونه‌لیشیگه عاید ایش‌لر دوام ایتماقده و حاضرگچه ۱۵۰ کیلومتردن کوپراق یونه‌لیش لوله تارتیش اوچون تیارلنگن و ۱۳۴ کیلومترنینگ نظارت ایشی عملگه آشیریلگن.
برشنا کمپنیه‌سی، کابل‌ده اوچ سب‌استیشین‌نی کینگه‌یتیریش همده کابل «یشیل صناعت پارکی»دن پروان ولایتی باریک‌آب صناعتی پارکی‌گچه بولگن ۲۲۰ کیلوولت برق لینینی اوزه‌تیش عملی ایشلرینی باشله‌دی.
بیرلشگن ملتلر تشکیلاتی‌نینگ اوی-جای دستوری افغانستان بولیمی، اوشبو مملکت‌گه قیتگن ۸۰۰ نفر مهاجر گه باش‌پنه قوریب و اوندن فایده‌لنیش امکانیتینی یره‌تگنینی بیلدیرگن.
بیرلشگن ملتلر تشکیلاتی‌نینگ انسان پرورلیک یاردملرینی موافقلشتیریش اداره‌سی (اوچا) ناروی افغانستان گه ۱.۶۳ میلیون دالر یاردم بیرگنیدن خبر بیرگن.
عالی تعلیم‌نی دوام ایتتیریش اوچون ننگرهار ولایتیگه بارگن ایریم یاش‌لر، تورر جای و یشش مسئله‌سیده تورلی قیینچیلیک‌لر بیلن دوچ ایکن‌لریدن شکایت قیله‌دی. اولر سلام‌وطندار بیلن صحبتده ایتیشلریچه، خصوصی یاتاخانه‌لرنینگ اجاره حقی یوقاری بولیشی بیلن بیرگه، برچه ضرور امکانیت‌لری یوق؛ بو مسئله تعلیم آلیش جریان‌لریگه سلبی تأثیر قویگن.
فاریاب ولایتی‌نینگ دشت‌لری و قیشلاق‌لریده قوروقچیلیک ایندی فقط ایکین میدان‌لری بیلن چیکلنیب قالمه‌گن؛ ییلاولر قیسقرماقده، حیوان‌لر آزوقه‌سی قیمت‌لشیب و کوچلی ایسیق چاروالر حیاتینی قیینلشتیرگن. سیگیر و قوی اسره‌ب همده اولرنی ساتیش بیلن روغاز تیبره‌تیب کیله‌یاتگن عایله‌لر اوچون چاروالرنینگ ضعیف‌لشیشی شونچه کی مال-ملک‌نینگ کمه‌یشی ایمس، بلکی سوت و گوشت محصولات‌لری‌نینگ کمه‌یشی، درآمدنی قولدن بیریش همده عایله‌نی آزیق-آوقت بیلن تأمینله‌ی آلمسلیککه آلیب کیله‌دی.
افغانستان مرکزی بانکی، مملکت یشاوچیلریدن ایسکیرگن پوللرینی بانک‌لر گه تاپشیریب و عوضی گه ینگی و یراقلی پول آلیش‌لرینی سوره‌گن.
بیرلشگن ملتلر تشکیلاتی‌نینگ انسان‌سیورلیک یاردملرینی موافقلشتیروچی اداره‌سی افغانستان بولیمی (اوچا)، ۵ میلیون ۳۰۰ مینگ کیشی، دهقانچیلیک بولیمیده فوق‌العاده یاردم آلیشدن محروم قالگنینی ایتگن.
عایله، اقتصادی احوال، امکانیت‌لردن فایده‌لنیش، یاش و عیاللر همده قیزلرنینگ خبردارلیک درجه‌سی – بولرنینگ برچه‌سی اولرنینگ کیله‌جککه بولگن قره‌ش‌لرینی شکللنتیریش‌ده مهم رول اوینه‌یدی.
بدخشان ولایتی‌نینگ ارگو، راغ و شغنان تومن‌لری ایریم اهالیسی، قیسقه مدت دوامیده تعلیم کورگن یا کی ییترلی تجربه‌سی بولمه‌گن شخص‌لر، قیشلاق‌لرده دارو خانه آچیب و کسل‌لر گه اوز باشیمچه‌لیک شکلده دارو بیره‌یاتگنلرینی ایته‌دیلر.
بلخ ولایتی حیرتان دوراهه‌سی حدودلریده، ۲۲ مینگ جریب ییرده «امام شقیق بلخی» صناعت شهرچه‌سی‌نینگ تمل تاشی، ملا عبدالغنی برادر تامانیدن قوییلدی. اسلام امیرلیگی باش وزیری‌نینگ اداری اورین باسرلیگی، بوگون (۲۸ سنبله/۱۹ سپتمبر، شنبه) ایکس اجتماعی ترماغیده بیر بیانیه ترقه‌تیب، مذکور شهرچه‌نینگ تمل تاشی اوتگن کونی ملا عبدالغنی برادر تامانیدن قوییلگنینی بیلدیرگن.
قندوزده تیمیر ییریتیش کارخانه، سکیز میلیون ۶۰۰ مینگ دالر سرمایه کیریتیش بیلن، اوتگن کون اسلام امیرلیگی باش وزیری‌نینگ اداری اورین باسری ملا عبدالغنی برادر تامانیدن آچیلیب و فایده‌لنیشگه تاپشیریلدی.
بغلان ولایتیده، «پوزه‌ی ایشان» ایکینچیلیک تدقیقات فارمی‌نینگ سونگی ییللرده پخته کلکسیونی یره‌تیش و مخصوص تجربه‌لر اوتکزیش آرقه‌لی قوروقچیلیک، کوچلی ایسیق و کسللیک‌لر گه چیده‌ملی نوع‌لرنی انیقلش و رواجلنتیریش گه حرکت قیلماقده. اوشبو مرکزده غوزه وزنی، اوسیملیک‌نینگ بویی، اوسیش دوری و حاصل بیریش میزانی کبی خصوصیت‌لر اورگنیله‌دی. مقصد – کیله‌جکده‌گی اقلیم شرایط‌لریگه ماس اوروغ‌لرنی دهقان‌لر گه ییتکزیب بیریش.
قوروقچیلیک و اقلیم اوزگریشی سببلی سوو تنقیص‌لیگی سونگی ییللرده غزنی ولایتی‌نینگ ایریم تومن‌لریده دهقانچیلیک و چارواچیلیککه سلبی تأثیر قویگن. غزنی مرکزی همده خواجه‌عمری، مالستان، ده‌یک، قره‌باغ و جغتوی تومن‌لریده‌گی دهقان و باغدارلرنینگ ایتیشیچه، سونگی بیر نیچه ییل ایچیده ییر آستی سوولری سطحی سیزیلرلی درجه‌ده پسه‌یگن. بیراق پسه‌یش درجه‌سی حدودلر گه قره‌ب فرق قیله‌دی.
بلخ حاکمیتی مطبوعات اداره‌سی، افغانستان-اوزبیکیستان قوشمه بازاریده قول صناعتی همده مملکت‌ده ایشلب چیقریلگن محصولات‌لری‌نینگ اوچ کونلیک کورگزمه‌سی آچیلگنیدن خبر بیردی. اوشبو کورگزمه ۲۴-سنبله/۱۵ سپتمبر سه‌شنبه کونی آچیلگن و اونده ایکینچیلیک محصولات‌لری، قیمت‌بها تاشلر، قول صناعتی، مملکت ایچیده ایشلب چیقریلگن محصولات‌لری و گیلم‌لر نمایش ایتیلگن.
امارتی کمپنیه‌لر عمومی باشلیغی احمدجان بلال، نفت و گاز شرطنامه‌لرینی امضالش اوچون ایران گه سفر قیلگن.
