ایران پارلمان باشلیغی محمدباقر قالیباف، مملکتی امریکا قوشمه ایالتلری بیلن مذاکره و اوروش قیلیش هر ایکی ورینت گه هم تیار ایکنینی معلوم قیلدی.
ایسنا نشری، بوگون (۲۴ عقرب/۱۵ نومبر، یکشنبه) قالیباف گه اساسلنیب ایتیشیچه، اگر امریکا ایراننینگ ییتی شرطینی قبول قیلسه، اوشبو مملکت بیلن کیلیشوو ایشیگی آچیق دیر.
ایران پارلمان رئیسی، اگر امریکا ینه بیر بار بو مملکت گه هجوم قیلسه، اوروش حدودی و قچان یکونلشنی ایران قوراللی کوچلری بیلگشی حقیده آگاهلنتیردی.
ایران، امریکا بیلن مذاکرهلر آلیب باریش اوچون برچه جبههلرده اوروشنی توختهتیش، مملکتنینگ موزلتیب قوییلگن سرمایهسینی آزاد قیلیش همده امریکا تامانیدن جاری ایتیلگن دینگیز محاصرهسینی بیکار قیلیشنی اینگ مهم شرطلر قطاریده کورستیب و اوشبو طلبلرنینگ قبول قیلینیشینی سورهگن.
ایران و امریکا جاری ییلنینگ جون آییده پاکستان واسطهچیلیگیده اوروشنی توختهتیش مقصدیده ۱۴ ماده دن عبارت صلح کیلیشووینی امضالهگن ایدی، بیراق اوشبو حجت امضالنگنیدن ایکی هفته اوتیب، کیلیشوو بوزیلدی و ایکی مملکت اورتهسیدهگی توقنشوولر قیته باشلندی.



