سپورت یاشلرنینگ جسمانی و عقلی رواجلنیشینینگ اینگ ثمرهلی واسطهلریدن بیری حسابلنهدی، بیراق کاپیسا ولایتیده ستندرد طلبلریگه جواب بیرهدیگن سپورت جایلرینینگ آزلیگی سببلی کوپلب یاشلر سپورت فعالیتلریگه داوم بیرمسلیککه آلیب کیلگن.
ولایتنینگ ایریم اهالیسی ایتیشیچه، سپورت میدانلری و جمنازیوملرنینگ آزلیگی نهفقط سپورت گه قیزیقهدیگن یاشلرنینگ استعدادینی رواجلنتیریش امکانیتلرینی چیکلهگن، بلکی اولرنینگ سلامتلیگی و روحی حالتیگه هم سلبی تأثیر کورستگن.
کاپیسا ولایتیدن بولگن ۱۸ یاشلی محمد ظفر، فوتبال میدانلریدن فایدهلنه آلمسلیگینی بیلدیرهدی. او شوندهی دییدی: «افسوس کی، کاپیسانینگ کوپلب حدودلریده ماس سپورت جایلریدن فایدهلنه آلمهیمیز جملهدن ستندرد طلبلریگه جواب بیرهدیگن میدانلرنینگ یوقلیگی کوپلب یاشلر و اوسمیرلرنینگ توغری طرزده سپورت بیلن شغللنیشیگه توسقینلیک قیلهدی.»
شونینگدیک، ۲۴ یاشلی فوتبال گه قیزیقهدیگن ینه بیر یاش احمد فرشاد، سپورت امکانیتلرینینگ آزلیگی یاشلرنینگ سپورتنی تشلب باشقه فعالیتلر گه یوز توتیشیگه سبب بولهیاتگنینی ایتهدی. او شوندهی دییدی: «سپورت ساحهسیده کوپلب معمالر گه دوچ کیلماقدهمیز. کرکیت، فوتبال، والیبال و باشقه سپورت تورلریده امکانیتلر ییترلی ایمس. یخشی سپورت میدانلرینینگ یوقلیگی یاشلرنینگ روحی حالتیگه سلبی تأثیر کورسهتیشی و اولرنینگ اجتماعی ترماقلردن حددن تشقری فایدهلنیشیگه حتا بنگیوار مادهلر گه چلینیشیگه سبب بولیشی ممکن.»
نجراب تومنیدن بولگن و ۱۴ ییلدن بویان فوتبال بیلن شغللنیب کیلهیاتگن عبدالرحیم فضلی سپورت اوچون یخشی جایلرنینگ یوقلیگی یاشلر استعدادینینگ رواجلنیشیگه دایما سلبی تأثیر کورستیب کیلگنینی ایتهدی. او شوندهی دییدی: «سپورت میدانلری و امکانیتلرنینگ آزلیگی هر دایم سپورتیمیز رواجیگه توسقینلیک قیلیب کیلگن – نجراب تومنیده بولهدیمی یا کی باشقه ولایتلرده. میدانلر و ضرور امکانیتلر بولسه سپورتنینگ رواجلنیشی و یاشلرنی تشویق بولیشیگه سبب بولهدی.»
شونینگدیک، ۱۴-۱۵ ییلدن بویان فوتبال بیلن شغللنیب کیلهیاتگن ینه بیر سپورتچی خالد حیدری شوندهی دییدی: «امکانیتلرنینگ آزلیگی مشغولاتلریمیزنینگ پروفیشنل و توغری طرزده آلیب باریلیشیگه توسقینلیک قیلهدی. ییترلی شرایط بولمسه، اویینچیلر منتظم و یخشی طرزده مشق قیله آلمهیدی، نتیجهده رواجلنیش درجهسی پسیهدی. امکانیتلر آزلیگی سببلی بعضاً اویینلریمیز حتا بیکار قیلینگن یا کی عموماً اوتکزیلمهگن.»
باشقه تاماندن، کاپیسا ولایتینینگ حصهی دوم کوهستان تومنی یشاوچیسی عبدالرشید، سپورت انشاآتلرینی تشکیل ایتیش یاشلرنینگ ساغلام رواجلنیشی و اولرنی اجتماعی ضررلردن اوزاق توتیش اوچون امکانیت یرهتهدی، دیب حسابلهیدی. اونینگ فکریچه: «بوگونگی کونده یاشلریمیز توپراق میدانلرده سپورت بیلن شغللنماقده. بو اولرنینگ تورلی کسللیکلر گه چلینیشی گه سبب بولیشی بیلن بیرگه، جسمانی جراحت آلیش احتمالینی هم آشیرهدی اینیقسه، اولر ستندرد بولمهگن میدانلرده مشق قیلگنلریده بو خوف ینهده آرتهدی.»
شو بیلن بیرگه، کاپیسا ولایتی بلدیهسی مسئوللری یاش سپورتچیلرنی قوللب-قوتلش و سپورت انشاآتلرینی یرهتیش بوییچه اوز دستورلری بارلیگینی بیلدیرهدی. بلدیه سوزلاوچیسی محمدیاسر یوسفزی شوندهی دییدی: «محمودراقی بلدیهسی سپورت ساحهسینی رواجلنتیریش و مستحکملش بوییچه انیق دستورلرنی عملگه آشیرماقده. حاضرده ایکیته سپورت جماعهسی و کرکیت جماعهسی و جنگآور سپورت جماعهسی قوللب-قوتلنماقده. سپورتنی رواجلنتیریش و سپورتچیلرنینگ مهارتینی آشیریش مقصدیده مسابقهلرنی اوتکزیش اوچون هم مالیهوی یاردم کورستیلهدی.»
تیگیشلی سپورت آست قوریلمهلری آزلیگی یاشلرنینگ استعدادینی رواجلنتیریش امکانیتلرینی چیکلش و اولرنینگ کوپچیلیگینی سپورت فعالیتینی دوام ایتتیره آلمسلیگیگه سبب بولگن.
