قندوز و سمنگان محلی مسئوللری، ۲۱ سنبله/ ۱۲ سپتمبر، شنبه کونی اوشبو ولایتلرده علیحده یول حادثهلری عاقبتیده بیر کیشی اولیب و ۲۰ دن آرتیق کیشی یرهلنگنینی معلوم قیلگنلر.
قندوز امنیه قوماندانلیگی سوزلاوچیسی جمعهالدین خاکسار گه کوره، قندوز ولایتی علیآباد تومنی «جلوگیر» حدودیده «۵۸۰» رسوملی یولاوچی تاشووچی موترنینگ قولشی نتیجهسیده، عیاللر و بالهلر شامل ۲۶ کیشی یرهلنگن.
اونینگ ایتیشیچه، واقعه طفیلی یرهلنگنلر ساغلیق مرکزلر گه آلیب باریلگن و اولرنینگ احوالی قانیقرلی دییلگن.
شونینگدیک، سمنگان ولایتی محلی مسئوللری هم، مذکور ولایت خُلم تومنیده «رونیکس» رسوملی موترنینگ بایسکل بیلن توقنشوویده بایسکل هیداوچی اولگنینی ایتگنلر.
واقعهلر، هیداوچیلرنینگ بیپروالیگی سببلی یوز بیرگنی ایتیلگن.
