ناپېژنده وسلهوالو بېګاه شپه په کابل ښار کې دیني عالم او د سلفي علماوو رییس سردار ولي ثاقب په خپل کور کې وژلی دی.
د نوموړي کورنۍ رسنیو ته ویلي چې سردار ولي ثاقب بېګاه ناوخته په یوه وسلهوال برید کې وژل شوی دی. د کابل امنیتي مسوولانو تراوسه د مولوي سردار ولي ثاقب د وژنې په اړه څه نه دي ویلي.
د سلاموطندار پښتو فېسبوکپاڼه وڅارئ
د مولوي ثاقب په هکله ویل کېږي چې په سیاست کې یې ډېره ونډه نه درلوده، خو د دیني عالم او مفتي په حیث یې پراخ شهرت درلود.
نوموړی د ننګرهار د شېرزادو ولسوالي د نکړخېلو سیمې اوسېدونکی و. مولوي ثاقب له اوږدې مودې راهیسې د جلالاباد په نارنج باغ سیمه کې یوه دیني مدرسه درلوده چې ګڼ شمېر زدهکوونکي یې درلودل.
سلاموطندار پر ټویټر هم وڅارئ
تراوسه کوم چا یا ډلې د نوموړي د وژنې مسوولیت پر غاړه نه دی اخیستی.
