د ماشومانو لپاره د ملګروملتونو ملاتړې اداره (یونېسف) وايي چې افغانستان کې شاوخوا ۷۹سلنه کورنۍ د اوبو له کمښت سره مخ دي.
یونېسف نن پنجشنبه د لیندۍ ۱۷مه نن پر خپله ټوېټرپاڼه لیکلي چې د دوی د یوې تازه سروې له مخې، افغانستان کې ۷۹سلنه کورنۍ د اوبو له جدي کمښت سره مخ دي.
د ماشومانو لپاره د ملګرو ملتونو ملاتړې ادارې همداراز لیکلي چې دوی به په راتلونکي ۲۰۲۳ کال کې نهه میلیونه وګړو ته د څښاک پاکې اوبه برابرې کړي.
سلاموطندار پر ټوېټرپاڼه هم وڅارئ
له دې وړاندې هم یوشمېر کورنیو او بهرنیو بنسټونو هېواد کې د وچکالۍ او اقلیمي بدلون سربېره په بېسارې توګه د ژورو څاګانو کیندلو له امله د ځمکې لاندې د اوبو کچې له ټیټوالي خبر ورکړی و.
