د طبیعي پېښو پر وړاندې د مبارزې په چارو کې د دولت وزارت ویلي چې د هېواد په ۳۴ ولایتونو کې د سړې هوا له کبله د مړو شویو کسانو شمېر ۱۲۶ ته رسېدلی دی.
دغه وزارت نن په یوه خبرپاڼه کې لیکلي چې یخنۍ د ځاني زیان تر څنګ، شاوخوا ۷۰ زره څاروي هم له منځه وړي دي.
د سلاموطندار پښتو فېسبوکپاڼه وڅارئ
یاد وزارت ټینګار کړی چې په زیانمنو سیمو کې یې د مرستندویه بنسټونو په همکاري د مرستې رسونې بهیر روان دی او هغوی یې چې زیان لیدلی، مرسته ورسره شوې ده.
د طبیعي پېښو پر وړاندې د مبارزې په چارو کې د دولت وزارت تر دې مخکې هېواد کې د سړې هوا له کبله د مړینې شمېرې ۱۰۴ ښودلې وې.
