یوشمېر ډاکټرانو سلاموطندار ته ویلي چې د بېلابېلو لاملونو له کبله د نجونو پر مخ د ځوانۍ دانې راخېژي. دوی اندېښنې، خپګان، موسمي بدلونونه، میاشتنۍ ناروغي، هورموني بدلونونه او د مناسبو خوړو نه کارول د دغو دانو راختلو اصلي لاملونه بولي. د ډاکټرانو په وینا، د ځوانۍ دانې تر ډېره پر هغو نجونو راخېژي چې له ۹ تر ۲۵ کلونو پورې عمر لري.
د ازموینو ملي ادارې پرون د افغان نجونو له ګډون پرته یوازې د هلکانو د کانکور ازموینې پایلې اعلان کړې.
د دغو پایلو اعلان د هغو هلکانو لپاره چې بېلابېلو پوهنځیو ته بریالي شوي وو، د خوښۍ وړ وې، خو د هغو نجونو لپاره دردوونکې وې چې کلونه یې لپاره زیار ګاللی او له یو عالم هیلو سره یې ښوونځی پای ته رسولی و.
د پکتیا محلي مسوولان وايي چې د دغه ولایت په مرکز او یوشمېر ولسوالیو کې سلګونه نجونو او هلکانو ته د لومړنیو زدهکړو ۱۵۰ محلي ټولګي جوړ شوي دي.
دغه محلي ټولګي د یونېسف په مالي لګښت او د افغان پرمختیایي موسسې لهخوا جوړ شوي دي. د پکتیا پوهنې رییس عبدالوکیل خالد زیاته کړه چې دغو ټولګیو کې هغو ماشومانو ته د زدهکړو زمینه برابره شوې چې له ښوونځي پاتي وو.
د غزني د پوهنې ریاست مسوولان وايي چې د غزني ښار اړوند سیمه کې بېګاه ناوخته ناپېژنده کسانو د نجونو یو ښوونځی سوځولی دی.
پکتیکا کې د ماشومانو لپاره د ملګروملتونو ملاتړې ادارې یا یونېسف لهخوا په جوړ شویو ټولګیو کې زرګونه نجونو او هلکانو ته د زدهکړو زمینه برابره شوې ده.
د پکتیکا د پوهنې ریاست چارواکي وایي چې په یاد ولایت کې د یونېسف لهخوا ۴۷۸ محلي ټولګي جوړ شوي چې دا مهال پهکې ۱۹۴۴۸ نجونې او هلکان پر زدهکړو بوخت دي.
د سمنګان د لوړو زدهکړو موسسې مسوولان وايي چې د ملګرو ملتونو پراختیايي پروګرام د ۳۵زره ډالرو په ارزښت دغه موسسه کې د هلکانو لپاره د فوټبال او د نجونو لپاره د ټېنس لوبغالي جوړ کړي دي.
د هرات محلي چارواکي وايي چې دغه ولایت کې ۵۵۰ نجونې او هلکان د مسلکي زدهکړو له یوه مرکز نه فارغ شول. د دوی په وینا، دغه پروګرام شپږ میاشتې مخکې د «هېلپ-Help» موسسې له لوري پیل شوی او نن پای ته ورسېده.
د غور محلي مسوولان وايي چې دغه دوه هلکان او نجونې پرون د فېروزکوه ښار او د یاد ولایت د دولتیار ولسوالي د ابتداییه محکمو له لوري په عام محضر کې په دورو وهل شوي دي.
که څه هم په هېواد کې د وروستیو تحولاتو له امله پوهنیز نظام له ګڼو ننګونو سره مخ شوی او یاد وضعیت د زدهکوونکو پر روحیه منفي اغېر کړی، خو په کابل کې د «چهار مغز» په نوم یوه ګرځنده کتابتون د ماشومانو د لیک-لوست زدهکړې په موخه خپل فعالیتونه بېرته پیل کړل.
په بادغیس کې یوشمېر زدهکوونکي او د هغوی د کورنۍ غړي وايي، د ښوونځیو له بیا پرانېستل کېدو راهیسې د دغه ولایت په ښوونځیو کې د زدهکوونکو حضور کمرنګه دی.
دوی په ښوونځیو کې د زدهکوونکو د کمرنګه حضور لامل په درسي ټولګیو کې د ډېری ښوونکو نه حضور، له هېواده د زدهکوونکو تېښته او د ماشومانو له ښوونې او روزنې څخه د کورنیو زړهتوري کېدل بولي.
عبدالباقي حقاني چې پرون د طالبانو له لوري لوړو زدهکړو وزارت ته د سرپرست په توګه وټاکل شو، نن یې کابل کې یوې غونډې ته په وینا کې وویل چې نجونې او هلکان دې په بېلو ټولګیو کې زدهکړې وکړي. حقاني وايي چې زدهکړیالانو لپاره د ارامه تحصیلي چاپیریال رامنځ ته کول یې د کارونو په لومړیتوبونو کې دي.
د افغانستان لپاره د ملګرو ملتونو د استازولۍ دفتر یا یوناما نن د یوه راپور په خپرولو سره ویلي، د روان میلادي کال په لومړیو شپږ میاشتو کې د تېرکال د همدې مودې په پرتله د ملکيانو د مرګژوبلې کچه ۴۷ سلنه لوړه شوې ده. یوناما په دغه راپور کې پر لږکیو په ځانګړې توګه پر شعیه او هزاره لږکیو د بریدونو له ډېروالي څخه اندېښنه څرګنده کړې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
