د سمنګان د لوړو زدهکړو موسسې مسوولان وايي چې د ملګرو ملتونو پراختیايي پروګرام دغه موسسه کې د ۳۵زره ډالرو په ارزښت د هلکانو لپاره د فوټبال او د نجونو لپاره د ټېنس لوبغالي جوړ کړي دي.
د سمنګان د لوړو زدهکړو موسسې رییس حبیبالله احمدي سلاموطندار ته ویلي چې د یادو دوو لوبغالو د رغونې چارې درې میاشتې وړاندې پیل شوې وې چې د روانې اوونۍ د دوشنبې پر ورځ د لړم ۲۳مه د ملګرو ملتونو د پراختیايي پروګرام د استازي په حضور کې پرانېستل شول.
په ورته مهال سمنګان کې یوشمېر ورزشکارې ښځې د یادې پروژې له پليکېدو خوښي څرګندوي او وايي، خوښې دي چې دې ولایت کې د ښځو او نجونو لپاره د ورزش زمینه برابره شوه.
سلاموطندار پر ټویټر هم وڅارئ
د یادونې وړ ده چې د ملګرو ملتونو د پراختیايي پروګرام له لوري یاد ولایت کې نجونو او هلکانو ته د ټېنس لوبې د زدهکړې په موخه یوه میاشتنۍ روزنه هم ورکړل شوه.
