د ایران د ولسي جرګې د ملي امنیت کمېسیون په دې وروستیو کې هلته د افغان کډوالو وضیعت ارزولی دی. د دغه کمېسیون یوه غړي فداحسین مالکي ویلي، په ایران کې د ناقانونه افغان کډوالو موجودیت د دغه هېواد خلک اندېښمن کړي دي.
د تخار د سرو زرو کانونو کې د ناقانونه کیندنو له امله د تېرو پنځو میاشتو پر مهال ۳۰ کارګرو خپل ژوند له لاسه ورکړی دی.
دغه کارګر ډېری وخت د ناقانونه کیندنو او د کانونو ښوېیدو له امله خپل ژوند له لاسه ورکوي.
د سلاموطندار د موندنو پر بنسټ، د تېر څه باندې یوه کال پر مهال په ۱۴ پېښو کې ۱۴۵ افغانان د ناقانونه کډوالۍ پر سختو لارو مړه شوي او لسګونه نور هم ټپیان شوي دي. که څه هم افغانانو له لسیزو راهیسې ناقانونه کډوالۍ ته مخه کړې، خو د اسلامي امارت په واکمنېدو سره دا لړۍ چټکه شوې چې له کبله یې لسګونه کسان قرباني شوي دي.
د ترکیې د کډوالو ادارې ویلي چې په تېر ۲۰۲۲ کال کې یې له دغه هېواد څخه په زرګونه هغه کډوال بېرته خپلو هېوادونو ته لېږلي چې په ناقانونه توګه ترکیې ته راغلي وو. د ترکي رسنیو په خپرو شویو راپورونو کې راغلي چې په اخراج شویو کډوالو کې ۶۸۲۹۰ یې هغه افغانان دي چې په ناقانونه دغه هېواد ته تللي وو.
د نیمروز یوشمېر مدني فعالان او فرهنګپال د دې ولایت تاریخي سیمو کې ناقانوني کیندنو څخه اندېښنه ښيي او وايي، په دې وروستیو دوو کلونو کې ګڼ شمېر کسانو دغه کار ته مخه کړې ده.
د افغانستان د ژورنالېستانو او رسنیزو بنسټونو فدراسیون په هېواد کې د خبریالانو او رسنیو له وضعیت څخه اندېښنه څرګنده کړې او ویلي یې دي چې له خبریالانو او رسنیو سره ناقانونه چلن او محدودیت به د رسنیو نیمڅی ورټول کړي. په خبرپاڼه کې راغلي، اسلامي امارت د کورنیو رسنیو پرمټ د یوشمېر نړیوالو رسنیو پر ټلوېزیوني نشراتو هم بندیز لګولی دی.
د بښنې نړیوال سازمان ویلي چې افغانستان کې د بیان ازادي او د ټولیزې ازادۍ حق په پراخه توګه محدود شوی او هر راز مخالفت په خپلسري، ناقانونه نیونې او له لا درکۍ سره مخ دی. یاد سازمان له اسلامي امارت څخه غوښتنه کړې چې د ناقانونه نیونو بهیر ودروي او د بشر حقونو نړیوال معیارونه رعایت کړي.
د لوګر د عامې روغتیا ریاست مسوولان وایي، په مرکز پلعلم او یوشمېر ولسوالیو کې له درملتونونو او معاینهخانو څخه یې څارنه پیل کړې او ګڼشمېر درملتونونه او معاینهخانې یې د ناقانونه او نامعیاري فعالیتونو له امله تړلي دي. روغتیایي مسوولان ټینګار کوي چې د تاریخ تېرو درملو د راټولولو او د ناقانونه روغتیايي مرکزونو د تړلو بهیر به روان وي.
د پلټنې ادارې یوشمېر کارکوونکي وایي، د دغه بنسټ مشرتابه امر کړی چې د یادې ادارې ۵۹ کارکوونکي نورو خپلواکو دولتي ادارو ته تبدیل او د هغوی بستونه دې له منځه لاړ شي.
نن د یوشمېر ترانسپورټي او باروړونکو شرکتونو مسوولانو په یوې اعتراضیه غونډه کې د ځمکني ټرانسپورټ د انسجام شورا پر لویو لارو کې د اخاذۍ پر اخیستلو تورونه کړه او وویل چې دغه شورا په ناقانونه توګه له موټر چلوونکو څخه پیسې اخلي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
