بېګاه شپه شاوخوا ۲ نیمې بجې د ختیځ زون ډېره برخه شدیدې زلزلې ولړزوله چې له کبله یې خلکو ته مالي او ځاني زیانونه اوښتي دي.
دغه زلزله چې د ريښتر په کچه ۵،۳ درجې اټکل شوې مرکز یې د ننګرهار شمال ختیځ د هندوکش غرونه ښودل شوي دي. زلزلې تر ټولو ډېر زیان په کونړ ولایت کې اړولى دی.
د ماشومانو لپاره د ملګرو ملتونو ملاتړې ادارې یا یونېسف په خپل تازه راپور کې ویلي چې د افغانستان په خوست او پکتیکا ولایتونو کې د شوې زلزلې له امله ۱۵۵ ماشومان مړه او نږدې ۲۵۰ نور تپیان شوي دي.
د ملګرو ملتونو د بشري مرستو همغږې کوونکې ادارې یا اوچا ویلي چې جاپان افغانستان کې زلزله ځپلو سره د ۳ میلیونه ډالرو مرستې اعلا کړی دی.
د ملګروملتونو د نفوسو صندوق ویلي، په خوست او پکتیکا کې شوې زلزلې د اومېندوارۍ په شرایطو برابرې نږدې ۲۰۰۰۰ مېرمنې او لږ تر لږه ۲۰۰۰ مېرمنې چې د اومېندوارۍ په وروستیو میاشتو کې دي، سختې اغېزمنې کړې دي. د نفوسو صندوق اجرايي مدیرې ناتالیا کانم ویلي، د هغو کورنیو ترڅنګ ولاړ دي چې په وروستۍ زلزله کې زیانمن شوي دي.
پېښو ته د رسېدو په چارو کې د دولت وزارت مرستیال شرفالدین مسلم وايي، سوېل ختیځو ولایتونو کې د دوه اوونۍ وړاندې زلزلې پرمهال د ویجاړو شویو کورونو بیارغولو لپاره یوه کمېټه رامنځته کوي.
د سره صلیب نړیوالې کمېټې په خپل تازه راپور کې ویلي چې په سوېلي ولایتونو پکتیکا، پکتیا او خوست کې د شوې زلزله له امله څه باندې ۶۰زره کورنۍ چې ۲۰۰زره کسان کېږي، زیانمن کړي دي.
ځايي مسوولان وایي، د تېره شپې زلزلې له امله د پکتیکا په ګیان ولسوالي کې ۲۰ او د خوست په سپرې ولسوالي کې هم تر ۲۰ زیات کسان مړه شوي او لسګونه نور ټپیان شوي دي. دوی وویل، د ګڼو کورونو نړېدو په دلیل ښايي د تلفاتو شمېرې لوړې شي.
د افغانستان ګڼ شمېر نور ولایتونه هم تېره شپه یوې زورورې زلزلې لړزولي دي.
د ملګرو ملتونو د بشردوستانه مرستو همغږي کوونکې ادارې یا «اوچا» ویلي چې د دغه سازمان د لومړنیو موندنو پربنسټ، د افغانستان په لوېدیځ کې د تېرې اوونۍ زلزلې چې مرکز یې بادغیس ولایت و، شاوخوا ۱۰۰۰ کورنیو ته زیان رسېدلی او یا هم ویجاړ شوي دي.
د بادغیس د اطلاتو او فرهنګ ریاست مسوولانو ویلي چې پرون د دغه ولایت په مرکز او ولسوالیو کې د زورورې زلزلې له امله ځینې کورونه ویجاړ شوي چې په پایله کې یې د ښځو او ماشومانو په ګډون یوشمېر کسان تر خاورو لاندې شوي او مړه شوي دي.
د بادغیس سیمهییز مسوولان وايي، په قادس ولسوالي کې د زلزلې له امله د ښځو او ماشومانو په ګډون ۱۲ تنه مړه شوي دي. د قادس ولسوال محمد صالح پردل سلاموطندار ته وويل چې د دې زلزلې په پایله کې د ځینو استوګنو کورونو چتونه نړېدلي چې په ترڅ کې یې دغه شمېر کسان مړه شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
