د ا.ا د کار او ټولنیزو چارو وزارت ویاند سمېعالله ابراهیمي سلاموطندار ته ویلي چې په دې غونډه کې د دغه وزارت سرپرست عبدالمنان عمري هم ګډون کړی او هغه به بهرنیو پانګوالو ته د سوداګریزو اړیکو د پراختیا، په افغانستان کې د شته فرصتونو او د پانګونې را جلبولو په اړه وینا وکړي.
د راپورونو له مخې، د افغانستان لپاره د روسیې د ولسمشر ځانګړي استازي ضمیر کابلوف د سېشنبې په ورځ یوې خبري غونډې ته ویلي، مسکو د شانګهای همکاریو سازمان کې د افغانستان د غړیتوب ملاتړ کوي.
په افغانستان کې د ترهګرو ډلو د شتون په اړه د ځینو ګاونډیو هېوادونو له اندېښنو وروسته د روسیې دفاع وزیر په دې وروستیو کې ادعا کړې چې افغانستان لا هم د سیمې او منځنۍ اسیا د بېثباتۍ اصلي سرچینه ده.
د افغانستان لپاره د روسیې ځانګړي استازي ضمیر کابلوف په دې وروستیو کې د دغه هېواد رسنیو ته ویلي چې د روسیې د بهرنیو چارو او عدلیې وزارتونو د ترهګرو ډلو له نوملړ څخه د ا.ا د نوم اېستلو د احتمال په اړه ولسمشر ولادیمیر پوتین ته خبر ورکړی دی.
چین په تېرو دوو ورځو کې د روسيې د ولسمشر ولاديمير پوتين کوربه و. چین ته د پوتین د سفر موخه د دواړو هېوادونو پر دوهاړخيزو اړيکو او ځينو سيمهييزو او نړيوالو مسايلو خبرې بلل شوې دي.
د روسیې ولسمشریزې ماڼې یا کرېملېن له دغه سفر وروسته د دواړو هېوادونو ګډه خبرپاڼه خپره کړې چې افغانستان هم د دواړو هېوادونو د مشرانو د بحث موضوع وه.
د شمالي کوریا مشر کېمجونګ اون د روسیې ولسمشر ولادیمیر پوتین ته وړاندیز کړی چې د روسیې جګړه کې هر راز مرستې ته اماده دی.
د روسیې د دفاع وزارت وايي چې په تېره یوه شپه او ورځ کې یې دونېڅک کې د اوکراین تر ۲۰۰ پوځیان وژلي او د دغه هېواد د پوځ ګڼشمېر پوځي وسایل او وسایط یې لهمنځه وړي دي.
د روسیې د بهرنیو چارو وزیر سرګي لاوروف په دوحه کې د افغانستان په اړه د ملګرو ملتونو د ځانګړې جوړېدونکې غونډې په اړه چې د اسلامي امارت د رسمیت پېژندلو په اړه به هم پهکې بحث وشي، د یوې خبري غونډې پر مهال وویل، تر هغه چې ټولګډونه حکومت نه وي جوړ شوی، روسیه به اسلامي امارت په رسمیت ونه پېژني.
د فرانسې ولسمشر امانویل ماکرون ویلي چې اوکراین کې به د روسیې د جګړې د پراخېدو او بري مخه نیسي. نوموړي همداراز ژمنه وکړه چې اوکراین کې به د جګړو د پراخېدو مخنیوي لپاره هر کار وکړي.
د صنعت او سوداګرۍ وزارت اعلان کړی چې له روسيې، ایران او پاکستان سره مو د کانونو، برښنا او زیربناوو برخو کې د پانګې جلب په موخه د فعالو کمپنیو او سوداګریزو شرکتونو یوه ټولګه یا کنسرسیوم جوړ کړی دی.
د پاکستان د بهرنیو چارو وزارت په یوه خبرپاڼه کې لیکلي چې د افغانستان لپاره د روسیې ځانګړي استازي ضمیر کابلوف او په بهرنیو چارو کې د پاکستان د دولت وزیرې حنا رباني کهر سره لیدلي او د افغانستان په اړه یې خبرې اترې کړې دي.
د افغانستان لپاره د روسیې ځانګړي استازي له یوې هندۍ رسنۍ سره په مرکه ویلي چې روسیه کولای شي، د بینالافغاني خبرو راژوندۍ کولو لپاره مهم رول ولوبوي.
ضمیر کابلوف پرون جمعه د مرغومې دویمه له «هندو» ورځپاڼې سره په یوې ځانګړې مرکه کې ویلي، روسیه او هند دواړه کولای شي چې د بینالافغاني خبرو د بیاپیل لپاره مهم نقش ولوبوي.
د افغان کارټ دولتي شرکت له ۳۰ کلن ځنډ وروسته یو ځل بیا له کندهار نه روسيې ته د انارو صادرات پیل کړل. د دغه شرکت رییس سيدمحمد قسيم کندهار کې په دې اړه جوړې شوې غونډه کې وویل، په لومړي پړاو کې به ۲۰ ټنه انار روسیې ته ولېږدوي او هڅه کوي چې دا لړۍ روانه وساتي. هغه وايي، دېرش کاله وروسته د افغانستان انار روسیې ته لېږدوي.
د افغانستان اوسنیو ستونزو او ننګونو ته د حللارې موندلو په موخه د مسکو فارمټ غونډه نن د روسیې په پلازمېنې کې جوړه شوه. د راپورونو پر بنسټ، د روسیې، چین، پاکستان، ایران، هند، قرغېزستان، اوزبکستان، تاجکستان، قزاقستان او ترکمنستان استازو په دې غونډه کې ګډون کړی و او د قطر، متحده عربي اماراتو، سعودي عربستان او ترکیې استازي بیا د مېلمنو په توګه وربلل شوي وو.
فارین پالیسي یوه راپور کې ادعا کړې چې روسیې له پخوانیو افغان ځواکونو سره اړیکې نیولي او هڅه کوي چې د اوکراین جګړې لپاره یې جذب کړي.
فارین پالیسي له یوشمېر پخوانیو کومانډویانو سره چې سخت اقتصادي او امنیتي وضعیت تجربه کوي، هم خبرې کړي او په وینا یې، د دوی سخت ژوند یاده جګړه کې د هغوی ښکېلتیا ته لاره هواره کړې ده.
د افغانستان د سرپرست حکومت د صنعت او سوداګرۍ وزارت چارواکي وايي چې له روسیې څخه هېواد ته د تېلو، ګاز او غنمو د واردولو تړون یې لاسلیک کړی دی.
رویټرز خبري اژانس پرون سهشنبه د تلې پنځمه د صنعت او سوداګرۍ وزارت سرپرس نورالدین عزیزي له قوله راپور ورکړی چې دغه تړون د لنډمهال لپاره لاسلیک شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
