هرات کې د کرنې برخې مسوولان وايي چې سږکال یې دغه ولایت کې ۱۵۰زره ټُنه د انګورو حاصلات راټول کړي چې د تېرکال په پرتله له ۱۵ تر ۲۰ ټُنه زیاتوالی ښيي.
خو بزګران د انګورو بازار نشتون او له هېواد څخه بهر یې د نه صادراتو له امله شکایت کوي او وايي، اړ دي چې خپل انګور په ټيټه بیه وپلوري.
کاپیسا د کابل په شمال کې یو له هغو کرنیزو ولایتونو څخه دی چې غرنۍ سیمې او د جلغوزیو د ودې لپاره مناسب اقلیم لري. د کاپیسا د نجراب او الهسای ولسوالیو کې د جلغوزیو ځنګلونو د دغه ولایت شهرت لا پسې زیات کړی دی.
کندوز یو له هغو ولایتونو څخه دی چې د خټکي د کښت لپاره مناسبه هوا لري. د دغه ولایت بزګران د خاناباد، علياباد، چهاردره، امامصاحب او د کندوز ښار د عسقلان کلي په للمه او اوبیزه ځمکه کې خربوزې کري.
سږ کال د ننګرهار پنځو ولسوالیو کې پر ۳۵۰ جریبه ځمکه د ځمکني توتانو کر شوی چې د تېر کال په پرتله یې د ۲۰ ټنه په زیاتوالي سږنی موسم حاصل ۱۷۰ ټنو ته رسېږي.
نیمروز کې د مالوچو یوشمېر کروندګر او پلورونکي سلاموطندار ته وايي چې سږ کال یې د وچکالۍ او د محلي مسوولانو د نهپام له امله خپلو کرنیزو ځمکو څخه ښه حاصل نه دې ترلاسه کړي.
خوست، پکتيا او پکتيکا هغه ولايتونو دي چې د تېر کال په پرتله سږ کال په کې د جلغوزيو حاصلات دوه چنده شوي، خو بیه یې تر نیمايي رالوېدلې. ځنګلي سيمو ته پراته خلک وايي، سوداګر ورځي، خو جلغوزي ترې په ډېره ټيټه بیه اخلي. دوی وویل، تېر کال د جلغوزيو قیمتونه لوړ وو، خو سږکال يې په ټيټه بیه پلوري. د پکتيا په اريوب ځاځيو ولسوالي کې د جلغوزیو کاروباریان وايي، د جلغوزیو بیه رالوېدلې او حکومت باید ورته بازار پیدا کړي.
د ننګرهار په اتو ولسوالیو حصارک، شېرزاد، خوګیاڼو، پچيراګام، هسکهمېنه، کوټ، اچین او سپینغر ولسوالیو کې پر شاوخوا ۱۱۶۹۰هکټاره ځمکه د جلغوزیو طبعي ځنګلونه اباد دي چې سږ کال یې په حاصالاتو کې ۲۵ سلنه زیاتوالی راغلی دی.
د جوزجان د ولایتي شورا غړي وایي چې د دغه ولایت په مرکز او اړوند ولسوالیو کې د وچکالۍ او جګړې د پراخېدو له امله د خلکو ژوند له ګواښ سره مخ دی. د جوزجان د ولایتي شورا غړی حفیظلله ندرت وایي، په روان کال کې وچکالي د دغه ولایت اوسېدونکي په جدي توګه ګواښي.
پېښو ته د رسېدو په چارو کې د دولت وزارت مسوولان وايي، په هېواد کې د وچکالۍ مهارولو لپاره له شپږ میلیارډه ډېرې افغانۍ پهکار دي، خو دغه اداره ورته یوازې یو میلیارډ بودیجه لري.
په روان کال کې وچکالۍ د هېواد لوېدیځې سیمې په ځانګړې توګه بادغیس ولایت ډېر ځپلی او د دغه ولایت اوسېدونکي یې له ګڼو ستونزو سره ، دوی وایي، روان کال په دغه ولایت کې ورښت کم وو او ځمکو یې هم هېڅ حاصلات نه دي ورکړي. لاس او ګریوان کړي چې ځينې یې ان اړ کړي، څو خپلې مینې پرېږدي او د بادغیس مرکز قلعهنو ښار ته کډه شي. دوی وایي، سږکال په دغه ولایت کې ورښت کم وو او ځمکو یې هم ښه حاصلات نه دي ورکړي.
د ننګرهار د کانال ریاست مطبوعاتي مسوول سید همایون غریبمل سلاموطندار ته وویل، د اټکل له مخې سږ کال د زیتونو فارمونه تر ۵سوه ټنه حاصل ورکوي چې له لسو ټنو به یې اچار او د ۴۹۰ ټنو تر پروسس وروسته به یې تېل تولید کړي.
غريبمل وايي، د زیتونو د اچارو او تېلو تولید هم د ننګرهار زیتونو فابریکه کې کېږي. د ننګرهار د کانال ریاست اړوند پر ۳۱۰۰ هکټاره ځمکه د زیتونو باغونه جوړ وو چې د دغو باغونو ډېرې ونې د کورنیو جګړو پر مهال له منځه وړل شوي او اوس یې یوازې ۱۷۲۰ هکټاره باغونه زیتون ورکوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
