د ملګرو ملتونو د بشري حقونو شورا مذهبي مقدساتو ته د سپکاوي د مخنیوي په موخه یو پرېکړهلیک تصویب کړی دی. په دغه پرېکړهلیک کې چې د ۲۸ تایید، ۱۲ مخالفو او اوو ممتنع رایو سره تصویر شوی، د ملګرو ملتونو له سرمنشي څخه غوښتل شوي چې په نړۍ کې مذهبي مقدساتو ته د سپکاوي پېښو په اړه راپور وړاندې کړي.
که څه هم د ۱۴۰۲ مالي کال له پیل څخه څه باندې دوه میاشتې تېرې شوي، خو د مالیې وزارت مسوولان وايي، هیله لري چې راتلونکې اوونۍ د دغه کال د بودیجې سند توشېح شي.
د مالیې وزارت مسوولانو سلاموطندار ته ویلي، د روان کال د بودیجې سند به په روانه اوونۍ کې د اسلامي امارت د چارواکو لهخوا تصویب او د مشرتابه له لوري توشېح شي.
که څه هم د نوي مالي کال له پیله نږدې دوه اوونۍ تېرېږي، خو تراوسه د اسلامي امارت له لوري د ۱۴۰۲ مالي کال د بودیجې سند د تصویب په اړه جزیات نه دي ورکړل شوي.
خو د مالیې وزارت مسوولانو په تازهګۍ سره ویلي چې د روان مالي کال د بودیجې له تصویب پرته به د دولتي کارکوونکو میاشتنی معاش ورکړي.
نړیوال بانک اعلان کړی چې د افغانستان د بیا رغونې لپاره د مدیریت صندوق سره یې د ۷۹۳ میلیونه ډالرو په ارزښت درې پروژې چې پهکې کرنه، روغتیا او د خلکو د لومړنیو اړتیاو پوره کول شامل دي، تصویب کړي دي. نړیوال بانک یوې خبرپاڼه کې ویلي، دغه پروژې به د ا.آ له کنټرول پرته، د ملګروملتونو د بنسټونو او نادولتي سازمانو له لوري پلې کېږي.
د اسلامي امارت کابینې د رییسالوزرا محمدحسن اخند په مشري نن په خپله دوهویشتمه ناسته کې معلولانو، یتیمانو او کونډو ته د مرستو په اړه د شهدا او معلولانو وزارت طرحه تصویب کړې ده.
د اسلامي امارت کابینې د روان کال وروستیو درېو (مرغومې، سلواغې او کب) میاشتو لپاره ۵۳.۹ میلیارډه افغانۍ بودجه تصویب کړه.
د ملګرو ملتونو امنیت شورا د اسلامي امارت تر کنټرول لاندې، افغانستان ته د بشري مرستو رسولو د اسانتیا برابرولو لپاره یو پرېکړهلیک تصویب کړ. دا مرستې په افغانستان کې د لومړنیو بشري اړتیاوو د ملاتړ په موخه دي او د اسلامي امارت پر اړوندو بنسټونو د بندیزونو لرې کولو په معنی نه دي.
د المان پارلمان د دغه هېواد د دولت هغه طرحه تایید کړه چې له مخې به یې الماني ځواکونه ۱۰ میاشتې نور هم په افغانستان کې د افغان امنیتي او دفاعي ځواکونو ملاتړ او روزنې ته دوام ورکړي. دغه پارلمان پرون د یوې نوې طرحې په تایید سره خپل پوځ ته اجازه ورکړه چې د ناټو د یوې برخې په توګه خپل ۱۳۰۰ سرتېري د ۲۰۲۲ زېږدیز کال د جنوري میاشتې له ۳۱مې پورې په افغانستان کې وساتي.
ولسي جرګې د نن ورځې په عمومي غونډه کې ادارو ته د بودجې د په پام کې نیولو څرنګوالي په اړه د نیوکې ترڅنګ، د ۱۳۹۹ نیمايي کال بودجه تصویب کړه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
