د هرات د ښاروالي ویاند عبدالهادي نوري سلاموطندار ته ویلي چې نن (د چنګاښ ۲۶مه، د سهشنبې ورځ) یې د هرات نانوایيګانو ته نوې نرخنامې ورکړي چې له مخې یې، د یوې ډوډۍ بیه چې ۲۶۰ ګرامه وزن لري، له ۱۰ افغانیو څخه ۸ افغانیو ته را ټیټه شوې ده.
د هوا په سړېدو سره د کندوز ولایت په شهیدي بازار کې د لیلامي جامو پېر او پلور زیات شوی دی. احمدسیر چې د کندوز په شهیدي بازار کې لیلامي جامې پلوري وایي، د هوا له سړېدو سره د دغو جامو د پلور بازار هم ښه شوی دی.
د اختر په را نږدېکېدو سره کابل ښار کې د افغاني جامو یوشمېر خیاطان وايي چې له تېرې یوې میاشتې راهیسې یې پېردونکي ۸۰سلنه ډېر شوي دي.
د کابل ښار دغه خیاطان همداراز زیاتوي چې د تېرو کلونو په پرتله سږ کال له افغاني جامو سره د خلکو د لېوالتیا ډېره شوې چې د دوی کار ورسره ښه شوی دی.
د کابل یوشمېر اوسېدونکي وايي، د روژې میاشتې له پیله د پلازمېنې بازارونو کې د «سبزي» په ځانګړې توګه د پیازو بیې لوړې شوې چې خلک یې د پېرلو توان نهلري.
دوی سلاموطندار ته وايي، دا مهال د کابل بازارونو کې د یوه من پیازو بیه تر ۶۰۰ افغانیو ده چې په وینا یې، شته وزګارتیا او بېوزلۍ ته په کتو، پېر یې د بېوزلو له توان وتلې ده.
هرات کې د زعفرانو صادروونکو شرکتونو او کاروباریانو او محلي مسوولانو زعفرانو ته د بازارموندنې په موخه نن دغه ولایت کې د «زعفران ګل» اوومه ملي جشنواره جوړه کړه.
د زعفرانو کاروباریان وايي، که څه هم سږ کال دغه ولایت کې د زعفرانو تولید زیات شوی، خو په وینا یې، پهکار ده چې له هېواده بهر لېږلو لپاره یې هم اسانتیاوې برابرې شي.
د پکتیا مرکز ګردېز اوسېدونکي وایي چې څو ورځې وړاندې د ګردېز ښاروالي د اوبلن ګاز شرکتونه وتړل چې ورسره په ښار کې د ګاز بیه لوړې شوې ده.
اوومان چې یو ډول غرنی بوټی دی او د اسيا په کچه په افغانستان په ځانګړي توګه د روزګان ولايت په دښتو او غرنو کې په طبعي ډول پیدا کېږي، خلک وايي چې په دې وروستيو کلونو کې یې له هېواده بهر قاچاق ډېر شوی دی. د روزګان د خاص روزګان ولسوالي اوسېدونکي هم ادعا کوي چې له يادې ولسوالي څخه هم اوومان قاچاقېږي.
وروسته له هغې چې د اسلامي امارت مشر هبتالله اخندزاده د یوه فرمان په صادرولو سره په ټول هېواد کې د نشهيي توکو پر کښت بندیز ولګاوه، د هېواد په سوېلي ولایتونو کې د نشهيي توکو یوشمېر کاروباریان وايي چې د یاد فرمان له صادرولو راهیسې د نشهيي توکو بیې دوه برابره شوې دي.
د برښنا شرکت ویاند حکمت الله میوندي سلاموطندار سره په یوې مرکه کې ویلي چې د برښنا د بیې لوړولو پر طرحې کار روان دی او په څو ورځو کې به عملي شي.
خوست، پکتيا او پکتيکا هغه ولايتونو دي چې د تېر کال په پرتله سږ کال په کې د جلغوزيو حاصلات دوه چنده شوي، خو بیه یې تر نیمايي رالوېدلې. ځنګلي سيمو ته پراته خلک وايي، سوداګر ورځي، خو جلغوزي ترې په ډېره ټيټه بیه اخلي. دوی وویل، تېر کال د جلغوزيو قیمتونه لوړ وو، خو سږکال يې په ټيټه بیه پلوري. د پکتيا په اريوب ځاځيو ولسوالي کې د جلغوزیو کاروباریان وايي، د جلغوزیو بیه رالوېدلې او حکومت باید ورته بازار پیدا کړي.
یوشمېر هېوادوال وایي چې په هېواد کې د وړو په ګډون د لومړنیو خوراکي توکو بیې دوه برابره شوي او خلک یې د پېرلو وس نه لري چې اړوند چارواکي یې باید مخه ونیسي.
په هېواد کې د وروستیو تحولاتو په لړ کې د نورو خوراکي او غیرخوراکو ترڅنګ د درملو په بیو کې هم ۱۵سلنه لوړوالی راغلی دی. د افغانستان د درملیزو خدمتونو ټولنې مشر اسدالله کاکړ وایي چې په دې وروستیو کې د طالبانو د حکومت په راتلو سره د درملو بیې له لسو تر ۱۵سلنه لوړې شوي دي.
د ننګرهار ولایت اوسېدونکي شکایت کوي چې په دغه ولایت کې د اکسیجن بیه له حده ډېره لوړه شوې او د اکسیجن د تولید کارخونې تولید کړی اکسیجن، د ډېرې ګټې لپاره نورو ولایتونو ته لېږدوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
