د ایران د بهرنیو چارو وزارت سرپرست علي باقري د ا.ا د بهرنیو چارو له سرپرست امیرخان متقي سره په ټیلیفوني خبرو کې ویلي، افغانان د خپل هېواد په اړه د پرېکړې اصلي سرپرستان دي او له سیمې دباندې بهرنیو لوبغاړیو ته د لاسوهنې اجازه نه ورکوي.
د ریاستالوزرا سرپرست عبدالکبیر نن (د غبرګولي څلورمه، د پنجشنبې ورځ) په سپیدار ماڼۍ کې یوې غونډې ته چې د ا.ا لوړپوړي چارواکي پهکې ناست وو، د وینا پر مهال ویلي چې د افغانستان سرپرست حکومت له نړۍ سره ښې اړیکې غواړي.
کله چې د کابل په نوي ښار کې د انتیکفروشي کوڅې ته ورشئ، سترګې به مو د ګوتمیو او لاسبندونو په څېر پر هغو توکو ولګېږي چې زمرودو، فېروزې او یاقوتو له قیمتي ډبرو جوړ شوي او د پلورنځیو پر الماریو کې اېښودل شوي دي. برنجي سماوارونو، قالینچو او د سینګار نورو توکو بیا دې کوڅې ته نوره ښکلا هم وربښلې ده.
د بهرنیو چارو سرپرست وزیر امیرخان متقي څو ورځې وړاندې د دغه وزارت پر کارکوونکو د برید قربانیانو د فاتحې مراسمو کې وویل چې افغانستان کې د شته ستونزو عاملان «بهرنیان او یرغلګر» دي. بلهخوا سیاسي فعال جمعهخان پویا وايي، په افغانستان کې د حکومتونو یو فرهنګ دا دی چې تل د شته ستونزو پړه پر نورو وراچوي او سرچینه یې له بهره ګڼي.
د اسلامي امارت ویاند ذبېحالله مجاهد پر ټویټر لیکلي چې د کابل ښار د شهرنو سیمې اړوند پر یوه هوټل برید د درېوو بریدګرو په وژل کېدو پای ته رسېدلی دی.
د نوموړي په وینا، یاد هوټل کې مېشت مېلمانه ژغورل شوي او هېڅ بهرنی وګړی په دغه برید کې نهدی وژل شوی.
هغه وايي، دوو بهرنیو وګړو د برید پر مهال یې له ودانۍ ځانونه راغورځولي، ټپيان شوي دي.
څه باندې یو کال تېر شو چې هېواد کې اسلامي امارت واکمن دی او سره له دې چې تر اوسه هېڅ هېواد په رسمیت نه دی پېژندلی، خو لا هم خپل کار ته دوام ورکوي.
په دې موده کې افغانان په بېلابېلو برخو کې له سختو ستونزو او ننګونو سره لاس او ګرېوان وو چې له کبله یې سرپرست حکومت له نړیوالو فشارونو سره هم مخ دی.
د کرنې، اوبو لګولو او مالدارۍ وزرت یوشمېر ښځینه کارکوونکې وايي چې د دغه وزارت مسوولان د مرستو راجلبولو لپاره د یاد وزارت یوشمېر ښځینه کارکوونکو ته له بهرنیانو سره په ناستو کې د ګډون بلنه ورکوي. د کرنې وزارت د کورني اقتصاد ریاست یوه کارکوونکې سجیه وايي چې هره میاشت معاش اخلي، خو د کورنیو برخو کې د ښځو فعالیت درېدلی دی.
یوشمېر افغانان چې کلونه یې له بهرنیو ځواکونو سره په افغانستان کې دنده ترسره کړې، وايي چې له هېواده د دوی د وتلو لپاره هېڅ هڅه نه ده شوې او د وتلو له بهیر څخه پاتې دي. دوی وايي، سره له دې چې په وار وار یې له اړونده چارواکو او بنسټونو سره اړیکه نیولې او د مرستې غوښتنه یې کړې ده، خو ځواب یې نه دی تر لاسه کړی.
د طالبانو د سیاسي دفتر غړي شهاب الدین دلاور نن کابل کې د قومي مشرانو یوې غونډې ته په وینا کې وویل چې امریکا له دوی څخه په افغانستان کې د دایمي اډو غوښتنه کوله چې دوی یې مخالفت کړی دی. دلاور وویل چې هېڅکله به هم اشغالګرو ته په خپله خاوره کې ځای ورنه کړي.
سږ کال د سکي لوبې د یوولسمې دورې سیالۍ د «افغان سکي چلېنج» په نوم د مسلکي سکي وهونکو، سکي وهونکو نجونو، د لرګي سکي او د اماتور سکي وهونکو په څلورو برخو کې د لسګونو کورنیو سکي وهونکو او دوو بهرنیو هغو په ګډون وشوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
