د راډیو نړیواله ورځ؛ «مالي ستونزو د راډیويي خپرونو پر کمیت او کیفیت منفي اغېز کړی»

د فبروري ۱۳مه د راډیو نړیواله ورځ ده، خو په افغانستان کې دا ورځ داسې مهال نمانځل کېږي چې دا مهمه او نوموتې رسنۍ د مالي ستونزو او محدوديتونو له امله د خپرونو د کمیت او کیفیت له کمښت سره مخ ده.
په کابل او یوشمېر ولایتونو کې د ځینو راډیوګانو مسوولان وايي، پر رسنیو محدودیتونو او اقتصادي ستونزو هېواد کې د راډیويي خپرونو پر کیفیت او کمیت منفي اغېز کړی دی.

د غره نړیواله ورځ؛ کارپوهان: افغانستان غرنی هېواد دی، خو ګټه ترې نه‌ده اخیستل شوې

د چاپېریال ساتنې برخې کارپوهان د غره له نړیوالې ورځې سره هم‌مهاله وايي چې د افغانستان د غرني‌والي وضعیت ناسم مدیریت افغانان نورو هېوادونو ته اړ کړي دي. د دوی په وینا، د افغانستان ۷۵ سلنه برخه غرونه دي چې له کبله یې په هېواد کې پنځه اوبه‌يیزې حوزې جوړې دي او شپږ ډوله اقلیم لري.

اوتونبایوا: د افغانستان د راتلونکي یووالي او ثبات لپاره باید بشري حقونه خوندي شي

په افغانستان کې د ملګرو ملتونو ځانګړې استازولۍ یا یوناما نن د بشري حقونو نړیوالې ورځې په مناسبت یوه خبرپاڼه کې لیکلي چې پر دې ورځ او د بشري حقونو په اړه د نړیوالې اعلامیې په ۷۵یمه کلیزه کې یو ځل بیا د افغانستان له واکمنو چارواکو غواړو چې د افغانستان د باثباته، سوله‌يیزې او پرمختللې راتلونکې په موخه بشري حقونه ومني او ملاتړ یې وکړي.

د فساد پر وړاندې د مبارزې نړیواله ورځ؛ ا.ا: په افغانستان کې صفر ته نږدې شوی

ا.ا د ډسمبر نهمې نېټې یا له فساد سره د مبارزې نړیوالې ورځې سره هم‌مهاله وايي، په افغانستان کې فساد صفر ته نږدې شوی او په وینا یې، په تېرو دوو کلونو کې یې پر وړاندې سخته مبارزه کړې او اجازه به ور نه کړي چې بیا زیات شي.

د ا.ا ویاند ذ.بېح‌الله م.جاهد وايي: «ا.ا توانېدلی چې فساد صفر ته نږدې کړي او پر وړاندې یې ښه مبارزه کړې. فساد، ټولنیز او اخلاقي فساد یې کم کړی. دا په دې مانا چې موږ یې پر وړاندې درېږو، څو دا بیا یوه ټولنیزه پدیده ونه ګرځي.»

اطلاعاتو ته د لاسرسي نړیواله ورځ؛ خبریالان: مسوولان پر وخت معلومات نه شریکوي

د سپټمبر ۲۸مه اطلاعاتو ته د لاسرسي نړیواله ورځ ده. په کابل کې یوشمېر خبریالان او د رسنیو مسوولان اطلاعاتو ته د نه لاسرسي په اړه شکایت کوي او وايي، د یوشمېر دولتي ادارو مسوولان خبریالانو ته معلومات نه ورکوي او د یوشمېر نورو بیا په ډېرې سختۍ له رسنیو سره معلومات شریکوي.

د پاکې هوا نړیواله ورځ؛ خلک له ککړې هوا سر ټکوي

د سپټمبر اوومه او د وږي شپاړلسمه، د پاکې هوا نړیواله ورځ ده. خو افغانان د دې ورځې له را رسېدو سره سم په ښار کې له ککړې هوا شکایت کوي او وايي، مسوولان ورته لازمه پاملرنه نه کوي او له خلکو یې د پاکې هوا د تنفس کولو حق اخیستی دی.

د لادرکه شویو نړیواله ورځ؛ «هر ځل چې را یاد شي، ټوله نړۍ راباندې تیاره کېږي»

یوشمېر افغانې کورنۍ د ورکو شویو نړیوالې ورځې سره هم‌مهاله د مسوولانو د بې‌غورۍ په اړه ګیله کوي او وايي، کشفي او امنیتي ادارې یې باید د کورنۍ د غړیو او خپلوانو په موندلو کې ورسره مرسته وکړي. نازګل هغه مور ده چې اتلس کلن زوی یې له تېرو ۴۰ ورځو راهیسې ورک دی.

د روغتیا نړیوال سازمان: شاوخوا یو میلیون افغانان پر تور زېړي اخته دي

د روغتیا نړیوال سازمان وايي، نږدې یو میلیون افغانان پر تور زېړي اخته شوي دي. دغه سازمان نن «د زمري شپږمه، د جمعې ورځ» د «هپاټیټ نړیوالې ورځې» په مناسبت ویلي چې شاوخوا ۶۸۰ زره افغانان د هپاټیټ پر «B» او شاوخوا ۳۲۰ زره نور د دغه ویروس پر «C» ډول چې تور زېړی ورته ویل کېږي، اخته شوي دي.

د کډوالو نړیواله ورځ؛ بښنې نړیوال سازمان: پاکستان دې د افغان کډوالو له ځورونې لاس واخلي

د کډوالو نړیوالې ورځې سره هم‌مهاله د بښنې نړیوال سازمان له پاکستان غوښتنه کړې چې دغه هېواد کې د افغان کډوالو له ځورونې او نیونې لاسه واخلي.

ملګري ملتونه د کډوالو وضعیت په اړه د عامه پوهاوي لوړولو په موخه هر کال د جون ۲۰مه د کډوالو نړیوالې ورځې په توګه نمانځي.

د تنباکو نه کارولو نړیواله ورځ؛ روغتیا وزارت: ۲۰سلنه افغانان نسوار کاروي

نن د مې ۳۱مه د تنباکو نه کارولو نړیوالې ورځې سره برابره ده. دغه ورځ د عامې روغتیا وزارت له لوري نن چهارشنبه د غبرګولي لسمه کابل کې د یوې غونډې په ترڅ کې ونمانځل شوه.

د عامې روغتیا وزارت مسوولانو په دې غونډې کې وویل چې ۲۷سلنه افغانان په منظم ډول له تنباکو څخه استفاده کوي چې له ډلې یې ۲.۶ سلنه ښځې دي.

د پښتو ژبې نړیواله ورځ؛ «پښتو دې د نصاب، علم، ټکنالوژۍ او رسمیاتو ژبه شي»

پښتو ژبه چې مخینه یې زرګونو کلونو ته رسېږي، اوس د نړۍ د ۵۰ لومړنیو ژبو په نوملړ کې ځای لري او نږدې ۸۰ میلیونه وګړي پرې خبرې کوي. که څه هم مخکې به دا ورځ د حکومت او ځینو نورو علمي او کلتوري ټولنو له لوري په شاندارو مراسمو نمانځل کېده، خو سږ کال د ټولو هېره شوې وه او په اړه یې هېڅ ډول غونډه، سیمینار یا هم خبري غونډه نه وو جوړ شوي.

د کورنۍ نړیواله ورځ؛ کډوالۍ د افغانانو کورنۍ سره پاشلي او ژوند یې ور تریخ کړی

یوه افغانه کډواله شریفه صفري چې له کورنۍ مسافره شوې، سلام‌وطندار ته ویلي، تمه یې لرله چې د کورنۍ په نړیواله ورځ د خپل مور او پلار تر څنګ واوسي، خو بخت ورسره یاري نه‌ده کړې او اوس ترې لرې یوه بل هېواد کې ژوند کوي. مرضیه په بلخ کې هغه مور ده چې هېواد کې له سیاسي بدلون وروسته یې درې ځامن نورو هېوادونو ته کډ‌وال شوي دي.

د تلیسمیا نړیواله ورځ؛ «یوازینۍ هیله مې له دې ناروغي خلاصون دی»

نن دوشنبه د مې میاشتې اتمه د تلاسمیا یا د وینې کموالي ناروغي له نړیوالې ورځې سره هم‌مهاله هېواد کې پر یادې ناروغي اخته ناروغان د درملنې د امکاناتو له نشتون څخه شکایت کوي.

د تلاسمیا ناروغي نړیواله ورځ نن دوشنبه د غويي ۱۸مه کابل کې د عامې روغتیا وزارت له لوري ونمانځل شوه.

د مطبوعاتو ازادۍ نړیواله ورځ؛ ښځینه خبریالانې: دوه‌ګوني چلن سره مخ یوو

د مطبوعاتو د ازادۍ له نړیوالې ورځې سره هم‌مهاله هېواد کې یو‌شمېر ښځینه خبریالانې سلام‌وطندار ته وايي چې له نږدې دوو کلونو راهیسې اطلاعاتو ته د لاسرسي برخه کې له جنسیتي تبعیض سره مخ دي.

دغه ښځینه خبریالانې د ا.ا له مسوولانو غوښتنه کوي چې اطلاعاتو ته د لاسرسي برخه کې دې ورسره دوه‌ګونی او تبعیضي چلن نه کوي.

د اوبو نړیواله ورځ؛ ملګرو ملتونو په نړۍ کې د اوبو د بېړني مدیریت غوښتنه وکړه

د مارچ دوه‌ویشتمه د اوبو نړیواله ورځ ده. د ملګرو ملتونو او د دغه سازمان ښوونیزې، علمي او کلتوري څانګې یا یونسکو د یوه ګډ راپور په خپرولو سره په نړۍ کې د اوبو لا کمېدو په اړه خبرداری ورکړی دی.
د ملګرو ملتونو سرمنشي انټونیو ګوټرېش ویلي چې په تلپاتې توګه د اوبو نه کارېدو، د هوا ککړتیا او ناکنټرول شوې تودوخې له کبله د انسانانو ژوند په ورکېدو دی.