د افغانستان سرپرست حکومت د سیګار هغه ادعا رد کړې چې کواګې ا.ا د زدهکړو په برخه کې د امریکا د بشردوستانه مرستو څخه ګټه اخلي.
د افغانستان بیارغونې لپاره د امریکا ځانګړې پلټونکې ادارې «سیګار» په خپل یوه تازه خپور کړي، راپور کې ادعا کړې چې سرپرست حکومت دغه هېواد کې د زدهکړو په برخه کې د امریکا له مالي مرستو په غیرمستقیمه توګه ګټه پورته کوي.
د سلاموطندار پښتو فېسبوکپاڼه وڅارئ
د ا.ا ویاند ذ.بېحالله مجاهد سلاموطندار ته سره خبرو کې د سیګار راپور «پروپاګند» وباله او هغه یې رد کړ.
نوموړي وویل: «سیګار تل هڅه کړې چې خپل راپورونه د پروپاګند په توګه خپور کړي او موږ د هغوی د بشردوستانه مرستو وېش کې ښکېل نهیوو او دا مرستې مستحقو کسانو ته رسېږي.»
سیګار د تېرې «جمعې ورځ تلې ۲۸مه» خپل راپور کې همداراز ټينګار کړی چې سرپرست حکومت د نادولتي غیررسمي ادارو په جوړولو سره له زدهکړییز سازمانونو څخه اخاذۍ کوي او له دې مرستو ګټه وړي.
یادې ادارې په خپل راپور کې زیاته کړې چې د سرپرست حکومت له راتلو وړاندې سیګار د افغانستان د زدهکړو برخه کې ۱،۳ میلیارډ ډالر لګولي وو چې اوس دغه برخه محدوده او د زدهکړو کیفیت هم خورا ټيټ شوی دی.
د سیګار د راپور پر بنسټ د افغانستان د زدهکړو برخې هغه مهال په دې پانګونې سره د پام وړ پرمختګ هم کړی و، خو د ا.ا ویاند بیا وايي، د پخوا په پرتله اوس هېواد کې د زدهکړو وضعیت ښه دی.
نوموړي وویل: «د پخوا په پرتله چې افغانستان کې امریکا او متحدانو یې شتون درلود، اوس څو ځله د زدهکړو وضعیت ښه دی او پرمختګ یې کړی دی. ولسوالیو او کلیو ته غځېدلی او د زدهکړو کچه لوړه ده.»
سرپرست حکومت داسې مهال هېواد کې زدهکړو ته پر لاسرسي او د کیفیت لوړوالي خبره کوي چې له څه باندې دوو کلونو راهیسې هېواد کې له شپږم ټولګي پورته د نجونو ښوونځي تړلې دي.