له دې وروسته بې اسنادو موټر ظبط کېږي او له قانوني کولو وروسته د پولیسو یا د شهیدانو د کورنیو په واک کې ورکول کېږي.
د ولسمشر لومړي مرستیال امرالله صالح پر خپله فېسبوک پاڼه لیکلي چې دغه پرېکړه نن سهار په امنیتي غونډه کې شوې.
صالح لیکلي، کلونه کېږي چې له بې اسنادو موټرو شکایت کېږي او د مجرمینو د تعقیب په برخه کې یوه لویه ستونزه هم همدا د بې اسنادو موټر دي.
د کابل د امنیت ټینګولو له مسوولیت اخيستو وروسته دا د ولسمشر د لومړي مرستیال لومړی ګام دی او وايي، د ښار واقعي او رواني امنیت به بېرته ټینګ کړي.
صالح مجرمانو ته خبرداری ورکړی چې یا باید له خپلو کارونو لاس واخلي او یا هم د زندان په تمه اوسي.
