کندوز کې محلي سرچینو سلاموطندار ته ویلي چې د محيالدین په نوم یوه ځوان په دغه ولایت کې ځان وژلی دی. دغه ځوان شل کلن و او جامې یې ګنډلې.
د سرچینو په وینا، یاد ځوان نن د کندوز ښار د درېیمې امنیتي حوزې اړوند د «مال بازار څلورلارې» سره د جامو ګنډلو په دوکان کې یې ځان را ځړولی او وژلی دی.
سرچینې زیاتوي چې غلو پرون د دغه ځوان دوکان لوټلی او د جامو ګنډلو دوو ماشینونو په ګډون یې د نږدې ۱۰۰ زره افغانیو په ارزښت توکي او تجهیزات ترې وړي دي.
سرچینې وايي چې تر اوسه د دې پېښې لامل نهدي په ډاګه شوی، خو ښايي د غلو له لوري یې د شتمنیو لوټل کېدل د دغه کار لامل شوی وي.
د کندوز امنیتي مسوولانو هم تر اوسه په دې اړه څه نهدي ویلي.
