د نیمروز د اطلاعاتو او فرهنګ ریاست مسوولان وايي چې د دغه ولایت د ګمرک عواید لوړ شوي دي.
د نیمروز د اطلاعات او فرهنګ رییس حبیبالله الهام سلاموطندار ته وايي چې واک ته د اسلامي امارت تر رسېدو وروسته، د دغه ولایت د ګمرک عواید لوړ شوي دي. د نوموړي په وینا، د نیمروز د ګمرک ورځني عواید له ۲۰ تر ۳۰ میلیونه افغانیو ته رسېږي.
د سلاموطندار پښتو فېسبوکپاڼه وڅارئ
د نیمروز د اطلاعاتو او فرهنګ رییس د ګمرک د عوایدو د لوړېدو اصلي لامل، د اداري فساد له منځه تلل او سوداګرو ته د تجارت په برخه کې د ډېرو اسانتیاوو برابرول په ګوته کوي.
د نیمروز د اطلاعاتو او فرهنګ ریاست مسوولان همداراز ډاډ ورکوي چې اسلامي امارت له سوداګرو هر اړخیز ملاتړ کوي.
په ورته مهال نیمروز کې یوشمېر مدني فعالان د دغه ولایت د ګمرک د عوایدو له لوړوالي خوښي څرګندوي او له مسوولانو غواړي چې راټول شوي عواید دې، د هېواد په بیارغونه او پرمختګ کې مصرف کړي.
په همدې حال کې د نیمروز د اطلاعاتو او فرهنګ ریاست مسوولان وايي چې دا مهال په ورځنۍ کچه د دغه ولایت د ابرېښمو پُل له لارې د سوداګریزو توکو شاوخوا ۱۰۰ موټر له هېواد بهر توکي صادروي.
