د ۱۴۰۳ ښونیز کال پیل سره هممهاله د روزګان محلي مسوولان وايي چې دغه ولایت کې له زدهکړو محرومو سیمو کې ماشومانو ته د زدهکړو کولو زمینه برابره کړي.
روزګان کې د پوهنې ریاست او محلي چارواکو له لوري د ښوونځي د زنګ په کړنګولو سره، نوی ښوونیز کال پرانېست.
د سلاموطندار پښتو فېسبوکپاڼه وڅارئ
په دې اړه جوړو شویو مراسیمو ته د روزګان والي مولوي عنایتالله شجاع وویل، تر بل هر وخت هېواد کې د زدهکړو زمینه برابره ده او ا.ا ژمن دی چې لروپرتو سیمو ته د ښوونې او روزنې متوازن او معیاري خدمات وړاندي کړي.
نوموړي عصري زدهکړې د هېواد پرمختګ او پر ځانبسیاینې لپاره مهمې وبللې او زیاته یې کړه چې خلک دې له ښوونیزو مرکزونه څارنه وکړي.
د یاد ولایت والي پر خلکو غږ وکړ چې د خپلو اولادونو سالمه روزنه او زدهکړو کې خپل مسوولیت ادا کړي.
د روزګان د پوهنې رییس شمسالله کامران بیا له ښوونکو غوښتنه وکړه چې د نوي کال په پیل سره د یاد ولایت ځوان نسل ته معیاري زدهکړو وړاندې کولو کې زیار وباسي.
د نوموړي په وینا، د سرپرست حکومت په راتلو سره تر ډېره په لروپرتو سیمو کې د زدهکړو زمینه برابره شوې او د تېر کال په پرتله سږکال د زدهکوونکو جذب کې زیاتوالی هم راغلی دی.