د افغانستان لپاره د روسیې ځانګړي استازي ضمیر کابلوف ویلي چې ټاکل شوې راتلونکې اوونۍ د دغه هېواد په پلازمېنې مسکو کې د افغانستان په اړه امنیتي غونډه جوړه شي.
نوموړي نن دا خبره ټاس خبري اژانس ته کړې او زیاته کړې یې ده چې یاده غونډه به راتلونکې اوونۍ جوړه شي. د معلوماتو له مخې، دې غونډې ته د افغانستان استازی نهدی وربلل شوی.
ضمیر کابلوف ویلي چې یاده غونډه کې به د مرکزي اسیا هېوادونو، پاکستان، هند او چین د امنیت شورا منشیان د افغانستان او سیمې پر امنیتي وضعیت خبرې اترې وکړي.
کابلوف زیاته کړې: «ګډونوال به سیمهيیز وي، د سیمې هېوادونو د امنیت شورا منشیان – زموږ د مرکزي اسیا شریکان او پاکستان، هند او چین را بلل شوي دي.»
د سلاموطندار پښتو فېسبوکپاڼه وڅارئ
د یادونې ده چې د افغانستان په اړه د څلوراړخیزو امنیتي خبرواترو د څلورم پړاو غونډه د ۲۰۲۲ کال د مې په اووهویشتمه د تاجکستان په پلازمېنې دوشنبه کې جوړه شوې وه.