نن په هرات کې د شري او ګوزڼ ناروغیو د واکسین کمپاین پیل شو. د هرات روغتیايي مسوولان وايي، ټاکل شوې د واکسین په دغه پړاو کې له رباطسنګي او ادرسکن ولسوالیو پرته د هرات په کچه څه باندې ۵۰۰ زره ماشومانو ته چې عمرونه یې له نهو میاشتو تر پنځو کلونو پورې وي، د شري او تر پنځه کلنو ماشومانو ته هم د ګوزڼ واکسین ورکړل شي.
د هرات د عامې روغتیا ریاست مرستیال محمداصف کبیر وویل چې په دې ډله کې به ۵۹۹ زره ماشومانو ته د ګوزڼ او ۵۱۰ زره ماشومانو ته هم د شري واکسین ورکړي.
هغه وايي، د هرات په ډېری ولسوالیو کې ماشومانو ته د شري ناروغي واکسین نهدی ورکړل شوی او همدا لامل و چې له تېرو اوو میاشتو راهیسې په پراخېدو ده.
د نوموړي په وینا، د دوی د شمېرو له مخې، په هرات کې ۲۰۰ زره او ۴۵۰ ماشومان پر شري ناروغي اخته شوي چې له ډلې یې ۲۱ هغو د هرات په حوزوي روغتون کې مړه شوي دي.
محمداصف کبیر پر خلکو غږ کوي چې د شري او ګوزڼ ناروغیو د له منځه وړلو په موخه د ماشومانو د واکسین په پلي کېدو کې ورسره مرسته وکړي.
د سلاموطندار پښتو فېسبوکپاڼه وڅارئ
هرات کې د ماشومانو د داخلې متخصصه مېرمن محمد مصدق شری یوه ساري او د مخنیوي وړ ناروغي یادوي چې په وینا یې، سخته تبه، د سترګو سوروالی، رېزش، ټوخی، د پوستکي اچول او بېاشتهايي پر دې ناروغي د اخته کېدو نښې دي.
د یادونې ده چې هرات کې د شري او ګوزڼ واکسین به لس ورځې د دغه ولایت جومات په جومات ماشومانو ته ورکړل شي.
