د نیمروز محلي مسوولان وايي چې د ا.ا ځواکونو نن د دغه ولایت د مرکز زرنج ښار په سیداباد سیمه کې د داعشیانو پر یوه پټنځای عملیات کړي دي.
د سلاموطندار پښتو فېسبوکپاڼه وڅارئ
د نیمروز د اطلاعاتو او کلتور رییس حبیبالله الهام سلاموطندار ته ویلي چې د ا.ا په دغو عملیاتو کې دوه داعشیان وژل شوي او یو بل ټپي شوی دی.
په همدې حال کې د نیمروز د امنیې قومانداني د رسنیو څانګې آمر ګلمحمد قدرت هم وايي چې په یادو عملیاتو کې یې داعشیانو ته مرګژوبله اړولې او په وینا یې، د دوی ځواکونو ته پهکې زیان نهدی اوښتی.
دا په داسې حال کې ده چې اسلامي امارت څو ورځې وړاندې هم د نیمروز په مرکز زرنج ښار کې د داعشیانو پر یوه پټنځای عملیات وکړل او د دې ډلې یوشمېر غړیو ته یې مرګژوبله واړوله.
