د داعش ډلې د بریدونو زیاتوالی؛ بلال کریمي: زموږ ځواکونو یې ملا ورماته کړې

د داعش وسله‌والې ډلې بهرنیو چارو وزارت ته د ځانمرګي برید مسوولیت چې شپږ کسان په‌کې ووژل شول، پر غاړه اخیستی دی. د دې ډلې اړوند خبري اژانس اعماق ویلي چې یاد برید د داعش ډلې یوه غړي کړی او د بهرنیو چارو وزارت د ډیپلوماټانو په ګډون یې، ۲۰ کسانو ته مرګ‌ژوبله اړولې ده.

ا.ا په بلخ کې د یوشمېر داعشیانو د وژل کېدو خبر ورکړ

د ا.ا ویاند ذبېح.‌الله م.جاهد نن د کب په اووه‌ویشتمه، د شنبې ورځ، سهار وختي پر ټویټر لیکلي چې د ا.ا ځواکونو بېګاه ناوخته د بلخ ولایت د مرکز مزارشریف ښار په پنځمه، شپږمه او اتمه ناحیه کې د داعشیانو پر پټن‌ځایونو بریدونه کړي دي. د نوموړي په وینا، په دغو عملیاتو کې یوشمېر داعشیان وژل شوي او وسلې او مهمات یې د دوس لاس ته ورغلي دي. هغه زیاتوي چې د ا.ا یو غړی هم په دغو عملیاتو کې ټپي شوی دی.

ا.ا په کابل کې د درې داعشیانو د وژل کېدو خبر ورکړ

د ا.ا د استخباراتو عمومي ریاست پر ټویټر لیکلي چې کابل ښار کې یې درې داعشیان وژلي دي.
دغه ریاست لیکلي چې ځانګړو ځواکونو یې د سلواعې په ۲۴مه، د دوشنبې ماښام د کابل ښار د اتمې امنیتي حوزې اړوند په کارته‌نو سیمه کې د داعش ډلې پر یوه پټن‌ځای پېچلي عملیات وکړل.

د ا.ا ویاند: کابل ښار کې له ماښام راهیسې د داعشیانو پر پټن‌ځای عملیات روان دي

د اسلامي امارت ویاند ذ.بېح الله م.جاهد پر ټویټر لیکلي چې ځواکونو یې نن ماښام د کابل ښار په کارته‌نو سیمه کې د داعشیانو پر یوه پټن‌ځای عملیات پیل کړي دي.
د نوموړي په وینا، تر اوسه یوشمېر داعشیان وژل شوي، خو په وینا یې، سیمه کې د ګڼه‌ګوڼې له کبله عملیات په ځنډ روان دي.

افغانستان کې د ترهګرو ډلو د راټولېدو په اړه د پوتین خبرداری

د روسیې ولسمشر ولادیمیر پوتین پرون د پخواني شوروي اتحاد د جمهوریتونو له جګپوړو امنیتي مشرانو سره په ویډیويي ناسته کې افغانستان کې د روان وضعیت په اړه اندېښنه ښودلې او ویلي یې دي چې ترهګر ښايي په مستقیم ډول ګاونډي هېوادونه بې‌ثباته کړي.
د هغه په خبره، اورپکي چې په سوریه او عراق کې تجربه لري، افغانستان ته روان دي.

امریکا د داعش پر وړاندې عملیاتو کې له طالبانو سره همکاري کوي

د امریکا د پوځ لوی درستیز جنرال مارک میلي له افغانستانه د دغه هېواد د ځواکونو له وتلو وروسته د لومړنۍ خبري ناستې پر مهال په افغانستان کې د داعش ډلې حضور د هېواد لپاره ستر ګواښ بللی دی.
میلي ویلي، که څه هم تر اوسه روښانه نه ده چې ایا طالبان بدل شوي، که نه، خو امریکا ښايي د ترهګرۍ، په تېره د داعش ډلې پر وړاندې مبارزه کې له طالبانو سره همکاري وکړي.