د بلخ محلي مسوولان وايي چې له دغه ولایت څخه ترکیې ته نن چهارشنبه د چنګاښ ۲۸مه په مستقیمه او رسمي توګه د الوتنو لړۍ پیل شوه.
د دغه ولایت د مسوولانو په وینا، د بلخ مرکز مزارشریف د مولانا جلالالدین محمد بلخي هوايي ډګر څخه نن ۱۳۹ کسان په یوې الوتکه کې د ترکیې اسټانبول ښار ته لاړل چې ورسره له دغه ولایت څخه ترکیې ته د مستقیمو الوتنو لړۍ هم پیل شوه.
د سلاموطندار پښتو فېسبوکپاڼه وڅارئ
هېواد کې د جمهوریت له پرځېدو وروسته دا لومړۍ الوتنه ده چې له بلخ څخه ترکیې ته په مستقیمه توګه الوتنه کوي او مسافر لېږدوي.
د بلخ امنیتي چارواکو بیا وايي چې له بلخ څخه ترکیې ته د مسافرو لېږد د کامایر هوايي شرکت پر غاړه لري.
د بلخ مسوولان ټينګار کوي چې له بلخ-ترکیې ته د الوتنو مستقیمې الوتنې به مسافرو ته اسانتیاوې رامنځته کړې او د دوی ستونزې به ورسره هوارې شي.