له پاکستان څخه په زور د افغان کډوالو اېستلو سره هممهاله، د کندهار د سپينبولدک او د ننګرهار د تورخم له لارې يوشمېر راستانه شوي کډوال وايي، د څښاک پاکو اوبو او سرپناه ته د نه لاسرسي له امله پر بېلابېلو ناروغيو اخته شوي دي.
د بلوچستان چمن کې پر ډیورنډ فرضي کرښه د چمن-سپینبولدک پر لاره په پاسپورټ د تګراتګ پرېکړې په غبرګون کې د اعتراض کوونکو لاریون ۲۷ ورځې ته وغځېد.
لاریون کوونکي له پاکستان حکومت غواړي چې پر ډیورنډ فرضي کرښه د چمن-سپینبولدک پر لاره هغه پرېکړه بېرته واخلي چې له مخې به یې پر دې لاره خلک په پاسپورټ تګراتګ کولای شي.
د روزګان ولایت والي محمد علي جان احمد دغه ولایت کې له صرافانو او پانګهوالو سره د یوې ناستې پر مهال ویلي چې د مشرتابه د حکمونو او فرمانونو پلي کول در باندې واجب دي.
د نوموړي په وینا، هغه فرمانونه چې د مشرتابه او مسوولانو له لوري ورکول کېږي، خلک باید لومړیتوب ورکړي.
د هلمند محلي مسوولان وايي چې د دغه ولایت مرکز لښکرګاه ښار د اتمې امنیتي حوزې اړوند سیمه کې یې یو کس د دوه میلیونه او نهه سوه او ۵۰زره « ۲۹۵۰۰۰۰» پاکستانۍ کالدارو د غلا په تور نیولی دی. بلخوا هغه هلمندی سوداګر چې دغه کس ترې نږدې درې میلیونه کالدارې غلا کړې وې، وايي، دغه کس یې په شرکت کې کارګر و.
د خوست امنیتي مسوولان وايي چې دغه ولایت کې یې هغه درې امنیتي کسان نیولي چې په خپلسري توګه یې د یوه ځوان د سر وېښتان او برېتونه قیچي کړي و. د امنيه قومنداني په خبرپاڼه کې ويل شوي له محاکمو پرته یاده کړنه غیرقانوني او خپلسري بللې او وايي چې هېچا ته به اجازه ورنهکړي، «څو د خلکو له حیثیت، وقار او انساني کرامت سره لوبې وکړي.»
د سرپرست حکومت ویاند په هېواد کې د ټيټيپي د جنګیالیو شتون او د پاکستان پر وړاندې د افغانستان خاورې کارولو په اړه د افغانستان په چارو کې د پاکستان د ځانګړي استازي آصف عليخان دراني له څرګندونو وروسته وايي، پاکستان باید د افغانستان له تورنولو لاس واخلي؛ ځکه په وینا یې، داسې هېڅ سند نشته چې په افغانستان کې د ټيټيپي غړي شته.
له افغان شخصیتونو سره د تماس کمېسیون د مخکیني حکومت پر یوشمېر چارواکو د خوندیتوب کارټونه وېشلې دي.
ارګ پر خپله اېکس «ټوېټرپاڼه» لیکلي چې یاد کمېسیون د خوندیتوب دغه کارټونه د مخکیني حکومت پوځي او ملکي چارواکو ته ورکړې دي.
مهتاب افتخار چې کله لس کلنه وه، د خپل خاله زوی ته چې ۱۸ کلن و، په جبري توګه په نکاح ورکړل شوه. هغه ۱۶کاله وړاندې هغه مهال چې پلار یې مړ شو او مور یې دویم واده وکړ، دې واده ته اړ اېستل شوې ده.
په دې راپور کې له ۱۹ ښځو سره مرکې شوې چې له ډلې یې ۱۳ مېرمنو له واده وروسته او شپږو ښځو بیا د کوژدې پر مهال د تاوتریخوالي او جبر له امله له خپلو خاوندانو او کوژدنو جلا شوې دي.
د ریاستالوزرا اقتصادي مرستیال ملا عبدالغني برادر ایراني چارواکو سره د لیدنې پر مهال له دغه هېواده د برښنا تولید برخه کې د همکاري غوښتنه کړې.
دې لیدنه کې دواړو لوریو د ګډو اقتصادي، سیاسي او د امنیتي همکاریو پر دوام ټينګار کړی دی. په همدې حال کې ایراني چارواکو د افغان پلاوي سفر پر مهال ډاډ ورکړی چې افغانستان سره به په یادو برخو کې همکاري وکړي.
د کورنيو چارو سرپرست سراجالدين حقاني وايي چې پاکستان دې خپلې ستونزې په خپله کړي او له نورو دې د حل غوښتنې نهکوي.
نوموړي دغه څرګندونې خوست ته د خپل سفر پر مهال یوې غونډې ته کړې دي.
ملګري ملتونه وايي چې افغانستان کې د ا.ا له لوري د نشهيي توکو پر کښت د بندیز له امله دغه هېواد کې د تریاکو تولید ۹۵سلنه کم شوی دی.
ملګروملتونو دغه څرګندونې نن یکشنبه د لړم ۱۴مه په یوه راپور کې کړې دي. په خپور شوي راپور کې ویل شوي چې په ۲۰۲۲ کال کې د تریاکو تولید ۶۲۰۰ ټُنه ته رسېده چې روان ۲۰۲۳ کال کې دغه شمېر ۳۳۳ ټُنو ته راښکته شوی دی.
افغان کډوال وايي چې د ډیورنډ کرښې پاکستاني لوري ته یوشمېر کډوال د خوړو او اوبو کمښت له امله بېهوښه شوي دي.
د حکمتالله په نوم یوه افغان کډوال سلاموطندار ته ویلي چې له تېرو څو ورځو راهیسې چمن کې ولاړ افغان کډوالو ته اجازه نهورکول کېږي چې
د پاکستان چمن کې یوشمېر افغان کډوال وايي چې د نامعلومو لاملونو له امله پاکستاني پولیس اجازه نهورکوي چې افغانستان ته واوړي او د خوړو او اوبو له کمښت سره مخ دي. یوشمېر دغو کډوالو سلاموطندار ته د ټیلیفوني اړیکې پر مټ ویلي چې پاکستان ترې ټوله شتمني لوټلې او دومره څه نهلري چې خپلو ځانو او اولادونو ته خواړه پرې واخلي.
د پاکستان حکومت نن پنجشنبه د لړم یوولسمه له دغه هېواده په زوره د بېاسناده افغان کډوالو د ایستلو لړۍ پیل کړه چې د راپورونو له مخې، پولیس د یاد هېواد بېلابېلو ښارونو کې د افغان کډوالو مېشتځایونو باندې چاپې هم وهلي دي.
د بهرنیو چارو وزارت چارسمبالي امیرخان متقي ترکیې ته د خپل سفر پرمهال له خپل ترکي سیال هاکان فیدان سره کتلي دي.
د بهرنیو چارو وزارت ویاند عبدالقهار بلخي پر اېکس «ټوېټرپاڼه» لیکلي چې متقي په دې لیدنه کې د دواړو لوریو ترمنځ د دوه اړخیزو اړیکو پر پیاوړتیا، سوداګرۍ او یوشمېر نورو موضوعاتو بحث او خبرې کړې دي.
د پاکستان د کورنیو چارو وزارت چارسمبالی وزیر وايي چې دغه هېواد کې مېشت ټول افغان کډوال به بېرته افغانستان ته واستول شي.
سرفراز بوګټي دغه هېواد کې له یوې رسنۍ سره په مرکه کې خبرداری ورکړی چې د ملګروملتونو د کډوالو عالي کمېشنرۍ سره د ثبت شویو کډوالو په ګډون به ټول افغانان د روان کال د نومبر میاشتې له لومړۍ نېټې وروسته دوو پړاوونو کې له دغه هېواده واېستل شي.
