په پکتیکا ولایت کې د بېګانۍ زلزلې له امله د مړو شمېر څه باندې ۱۰۰۰ کسانو ته لوړ شوی دی.
د پکتیکا د اطلاعاتو او فرهنګ رییس امین حذیفه سلاموطندار ته ویلي چې د پکتیکا ګیان، برمل او نکې ولسوالیو کې د شوې زلزلې له امله څه باندې ۱۰۰۰ کسان مړه شوي او شاوخوا ۱۵۰۰ کسان ټپیان دي.
د سوېل ختیځ زون په پکتیکا او خوست ولایتونو کې د بېګانۍ زلزلې له ۲۸۰ کسان مړه شوي او نږدې ۶۰۰ کسان ټپیان شوې دي.
د باختر خبري اژانس د خبر له مخې، د پکتیکا نکې، زیړوک، برملې او ګیان ولسوالیو کې د شوې زلزلې له امله ۲۵۵ کسان مړه شوي او څه باندې ۵۰۰ کسان ټپیان دي.
د کابل ښار یوشمېر اوسېدونکي د غږیزې ککړتیا له امله شکایت کوي او وايي چې په دې ورستیو کې د باروړنکو موټرو او لاسي پلورونکوله لورې رامنځته کېدوونکي غږیزې ککړتیا د ډېرېدو لامل شوی دی.
کابل کې د افغان خصوصي ټلوېزیون مسوولان ادعا کوي چې پرون د اسلامي امارت لسګونه ځواکونه د دغې رسنۍ ته ورغلي او د مصرف کړې برښنا د پیسو د نه ورکړې په پلمه یې رسنۍ ور تړلې ده.
د برښنايي پېژندپاڼو د وېش مرکزونو یوشمېر کارکوونکي وايي چې د اسلامي امارت پورې اړوند واسطه لرونکي کسان د کار پرمهال له ګڼو ستونزو سره مخ کړې دي.
ټاکل شوې چې د اوسلو فورم کلنۍ ناسته نن سهشنبه پیل شي او سبا ورځ به هم دوام ولري. دغه ناسته چې بحثونه یې تر ډېره د کړکېچونو د هواري او د سولې پر موضوعاتو څرخي د ناروې په پلازمېنه کې جوړېږي.
د فرانسې خبري اژانس د ډيپلوماټیکو سرچینو په خبره راپور ورکړی چې ملګروملتونو د اسلامي امارت د لوړو زدهکړو وزارت د سرپرست عبدالباقي حقاني او د پوهنې وزارت د یوه بل چارواکي پر سفر معافیت نه دی تمدید کړی او دواړه دغه کسان ممنوعالسفر شوې دي.
په روزګان کې د افغان نور موتکي شرکت د فعالیت په اړه د سلاموطندار د راپور له خپرېدو وروسته د دغه ولایت امنیتي چارواکو یاد شرکت وتاړه او مسوولان یې نیولې دي.
د سرپل بلخاب ولسوالي کې یوه باوري سرچینه چې نه غواړي نوم یې واخیستل سلاموطندار ته ویلي، د اسلامي امارت هزاره توکمي قومندان مهدي مجاهد او د اسلامي امارت ترمنځ څو پړاوه خبرې بېپایلې پای ته رسېدلې دي.د تازه پیلېدونکو خبرو موخه کابل ته د مهدي مجاهد بېرته ګرځېدل او د اسلامي امارت د غوښتنو منل دي.
په افغانستان کې د ملګرو ملتونو د کډوالو عالي کمېشنري رییس لیونارډ زورلو نن کابل کې د کډوالو نړیوالې ورځې په مناست جوړې شوې غونډه کې وویل چې له پاکستان او ایران څخه راستانه شویو ۳.۵ میلیونه افغان کډوالو سره بېلابېلې بشري مرستې شوې دي.
نن د جون ۲۰مه د اسلامي امارت د مشرانو پر سفر د بندیز معافیت نېټه پای ته ورسېده. د امریکا مخکیني ولسمشر ډونالډ ټرامپ ۲۰۱۹ کال کې د افغان سولې خبرو کې د ا.ا د ګډون لپاره د دوی د مشرانو پر سفر لګېدلي بندیزونه لرې کړل. د دغه معافیت پربنسټ، د ا.ا د ۴۱ مشرانو له ډلې یوازې ۱۴ یې د دوحې د سولې خبرو کې د ګډون حق درلود.
له هغه وخت راهیسې چې اسلامي امارت واک ترلاسه کړی، په وار وار یې هېواد کې د وضعیت ښهوالي په موخه طرحې وړاندې کړي، خو د میاشتو په تېرېدو سره دغه طرحې تراوسه نه دي عملي شوي.
افغان نورموتکي شرکت نږدې دوه میاشتې کېږي چې په روزګان کې فعالیت کړی او ځوانانو ته د سوداګرۍ په برخه کې د کاري فرصتونو د برابرولو په موخه فعالیت کوي چې تراوسه ورسره څه باندې ۳۰۰ کسانو نوملیکنه کړې ده.
د ننګرهار ولایت محلي مسوولانو ویلي چې د غنيخېلو ولسوالي په اړوند سیمه کې د چاودنې له امله دوه کسان وژل شوي او ۲۸ نور ټپیان دي.
د افغانستان لپاره د برېټانیې سفارت چارسمبالي هوګو شورټر ویلي چې دغه هېواد په افغانستان کې د تاوتریخوالي له لارې د سیاسي بدلون ملاتړ نه کوي.
نوموړي پرون په یوې وینا کې ویلي چې برېټانیا د هېچا او هغه افغان ملاتړ نه کوي چې د تاوتریخوالي له لارې په افغانستان کې سیاسي بدلون راولي.
په کابل کې د افغان سېکانو او هندوانو پر عبادتځای د پروني وسلهوال برید وروسته، هېواد کې یوشمېر پاتې افغان سېکان او هندوان وايي چې افغانستان یې نور د اوسېدو ځای نه دی او اړ دي چې هند ته کډوال شي.
