هېواد کې له شپږم ټولګي پورته د نجونو ښوونځيو له تړلکېدو نږدې ۱۹ میاشتې تېرېږي، خو لا هم د نجونو زدهکوونکو د زدهکړو راتلونکی یوه ناملعوم برخلیک سره مخ دی.
په لوېدیځ او سوېل لوېدیځو ولایتونو کې یوشمېر نجونې زدهکوونکې وايي چې د زدهکړو نامعلوم برخلیک او د ښوونځيو تړلي پاتېکېدو اندېښمنې کړې دي.
د هېواد په ختیځو او سوېل ختیځو ولایتونو کې نجونې زدهکوونکې وایي، د نجونو له زدهکړو پرته ټولنه هېڅ ډول پرمختګ نهشي کولای او اسلامي امارت دې د دوی دا شرعي حق په زوره نه ترې اخلي.
دا نجونې زدهکوونکې وایي، د ښوونځيو او پوهنتونو له تړل کېدو وروسته نه یوازې خپل راتلونکي ناڅرګند برخلیک ته اندېښمنې دي، بلکې له اروايي ستونزو سره یې هم مخ کړې دي.
د کابل یوشمېر اوسېدونکي په پلازمېنه کې د «یو کیلي» موټرو له ډېروالي د اندېښنې په څرګندولو سره وايي چې یادو موټرو تر ډېره د ښار ټرافیکي سېسټم ګډوډ کړی دی.
دوی زیاتوي چې د یو کیلي موټرو چلوونکي د نورو ستونزو ترڅنګ د ټرافیکي پېښو اصلي لامل دي.
له افغانستان سره د نړیوالې ټولنې د نغدي مرستو په لړ کې نن سهشنبه د ۴۰ میلیونه امریکايي ډالرو یوه بله کڅوره کابل ته راورسېده.
د افغانستان بانک نن سهشنبه د کب ۱۶مه پر خپله ټوېټرپاڼه لیکلي چې دغه نغدي مرسته یې یوه خصوصي بانک ته سپارلې ده.
د افغانستان بانک وايي چې سبا چهارشنبه د کب ۱۷مه «۱۶» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن سهشنبه د کب ۱۶مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره سبا چهارشنبه «۱۶» میلیونه امریکايي ډالر لیلام ته وړاندې کوي.
د افغانستان وضعیت په اړه د دغه هېواد د ګاونډیو هېوادونو د ځانګړو استازیو ناسته نن سهشنبه د کب ۱۶مه د ازبکستان پلازمېنه تاشکند کې پیل شوې ده.
په دې ناسته کې د ازبکستان، چین، ایران، پاکستان، روسیې، تاجکستان او ترکمنستان هېوادونو استازي ګډون لري.
د پاکستان کرېکټ سوپر لیګ سیالیو په لړ کې نن د څلور لوبډلو ترمنځ دوه لوبې کېږي چې پېښور زلمي له لاهور قلندرز او اسلاماباد یونایټډ له ملتان سلطانز سره مخ دی.
د بهرنیو چارو وزارت د ویاند مرستیال ضیااحمد تکل وايي، له ایراني چارواکو سره د خبرواترو په پایله کې نن د ایران له لوري ۲۶۸ افغان بندیان په اسلامکلا کې اسلامي امارت ته سپارل شوي دي.
نوی تحصیلي کال نن، د کب میاشتې په ۱۵مه د هېواد په سړو «سردسیرو» ولایتونو کې پیل شو. په تېرو شاوخوا دوو لسیزو کې دا لومړی ځل دی چې له افغان نجونو پرته د هېواد په پوهنتونونو کې تحصیلي کال پیلېږي. د کابل پوهنتون زدهکړیاله سمیرا عباسي وايي، خواشینې ده چې سږنی تحصیلي کال له دوی پرته پیلېږي.
د پاکستان د بلوچستان ایالت په اړوند سیمه کې د پولیسو پر موټر د ځانمرګي برید له کبله نهه پولیس سرتیري وژل شوي او ۱۳ نور ټپیان دي.
برید نن دوشنبه د کب ۱۵مه د بلوچستان ایالت د کچي ولسوالي کنبري پُل سره نږدې شوی دی. په ورته مهال پاکستاني رسنیو راپور ورکړی چې ښايي د مرګژوبلې شمېرې له دې هم لوړې شي.
د کابل یوشمېر اوسېدونکي وايي چې د پاسپورټ ترلاسه کولو لپاره یې یو کال وړاندې په انلاین بڼه نوملیکنه کړې، خو تراوسه د پاسپورټ اخیستو د چارو مخې ته وړو لپاره دغه ریاست ته نه دي ورغوښتل شوي. د دوی په وینا، پاسپورټ ته سخته اړتیا لري او نه پوهېږي خپله ستونزه چا ته ورسوي. دوی له اړوند مسوولانو د ستونزې د حل غوښتنه کوي.
د دایکندي یوشمېر ځوانان دغه ولایت کې د واده مراسمو لوړ لګښت څخه د نیوکې ترڅنګ وايي چې هر کال سلګونه ځوانان د واده لګښتونو پوره کولو لپاره ګاونډیو هېوادو ته د کار لپاره سفر کوي.
د سوالګرو راټولولو کمېټه وايي چې د کابل له بېلابېلو سیمو څخه یې د ښځو او ماشومان په ګډون څه باندې ۲۹۰۰۰ سوالګر راټول کړي ډي.
د ریاستالوزرا اقتصادي معاونیت نن دوشنبه د کب ۱۵مه پر خپله ټوېټرپاڼه لیکلي چې د کب تر ۱۴مې نېټې پورې ۲۹۴۰۳ سوالګر ټول کړي دي.
د هلمند یوشمېر اوسېدونکي وايي چې د دغه ولایت د مسوولانو له لوري یې حقوقي دعوې پر ټاکلي وخت نه حل کېږي.
د یاد ولایت د نوزاد ولسوالي اوسېدونکی عطاالله سلاموطندار ته وايي، نږدې یو کال کېږي چې حقوقي دعوه لري، خو له یوې ادارې بلې ته لېږدول کېږي او ستونزې ته یې رسېدنه نه ده شوې.
د افغانستان لپاره د اروپايي ټولنې ځانګړي استازي ټوماس نېکلاسون د ریاستالوزرا له سیاسي مرستیال مولوي عبدالکبیر سره په لیدنه کې ویلي چې د اسلامي امارت دې له حکومت نه دباندې پر کارپوه او تکړه افغانانو مشورې واورې؛ ځکه په خبره یې، مخکینی حکومت همدغه انحصار له منځه یووړ. عبدالکبیر په دې لیدنه کې د ټولشموله حکومت پر جوړېدو او حکومت کې د مسلکي کسانو پر نیولو ټینګار کړی دی.
د اسلامي امارت او ایران پولهساتي ځواکونه نن په نیمروز کې سره نښتي دي. په نیمروز کې محلي سرچینو سلاموطندار ته ویلي چې دا نښته نن د کب څوارلسمه، د یکشنبې ورځ غرمه مهال د ورېښمو پله سره شوې ده.
