د خوړو نړیوال پروګرام «WFP» وايي، د بودیجې کمښت له امله اړ شوي چې افغانستان کې د مرستو ترلاسه کوونکو شمېر پنځه میلیونه کسانو ته راښکته کړي.
د خوړو نړیوال پروګرام نن «سهشنبه د غبرګولي ۱۳مه» پر خپله ټوېټرپاڼه لیکلي چې راتلونکي ژمي کې اړمنو سره د مرستو لپاره یو میلیارډ او ۲۰۰ میلیونه ډالرو ته اړتیا لري.
د سلاموطندار پښتو فېسبوکپاڼه وڅارئ
یاد بنسټ زیاته کړې چې روان ۲۰۲۳ کال کې ۲۸میلیونه او ۸۰۰زره افغانان بشردوستانه مرستو ته اړتیا لري.
د خوړو نړیوال پروګرام د معلوماتو له مخې، اټکل کېږي چې د روان کال له مې تر اکتوبر میاشتې پورې ۱۵ میلیونه او ۳۰۰زره کسان د خوړو له شدید کمښت سره مخ شي.
Due to lack of funding, @WFP in #Afghanistan had to reduce the number of people we serve per month down to 5 million most vulnerable, food insecure people.
WFP urgently needs more than US💲۱⃣ billion to sustain operations through winter.
More: https://t.co/1IywtCly1q pic.twitter.com/yfHucsO5Mv
— WFP Afghanistan (@WFP_Afghanistan) July 4, 2023
د دوی په وینا، دوه میلیونه او ۸۰۰زره کسان د خوړو نه خوندیتوب سره مخ دي او درې میلیونه او ۲۰۰زره ماشومان چې عمرونه یې له پنځو کلونو ښکته دي، پر شدیدې خوارځواکۍ اخته شوي دي.
د خوړو نړیوال پروګرام همداراز لیکلي چې د بودیجې کمښت له امله اړ شوي، څو اته میلیونه کسان له خپلو بېړنیو مرستو حذف کړي.