فراه کې امنیتي مسوولان وايي چې دغه ولایت کې یوه ځوان ځانوژنه کړې ده. پېښه پرون سهشنبه د کب ۲۳مه د یاد ولایت د شیبکوه ولسوالي اړوند «کاریز مردان» کلي کې رامنځته شوې ده.
د فراه د امنیې قومنداني د رسنیو دفتر په یوې خبرپاڼه کې ویلي چې دغه ځوان نقیبالله نومېده او د رواني ستونزو له کبله یې په یوه ونه کې ځان رازړولی دی.
فراه کې دغه ځوان داسې مهال ځانوژنه کړې چې د تېرې اوونۍ د پنجشنبې پر شپه فاریاب کې هم یوې ښځې تېزاب څښلي و او ځانوژنه یې کړې وه.
د فاریاب د اطلاعاتو او فرهنګ رییس شمسالله محمدي سلاموطندار ته ویلي و، پېښه پنجشنبه شپه د کب ۱۸مه د قیصار ولسوالي په «خواجهزاهدخان» کلي کې رامنځته شوې ده.
محمدي زیاتوي چې دغه ښځه زهرا نومېده او د تېزاب په څښلو سره یې ژوند ته د پای ټکی اېښی دی.
د فاریاب د اطلاعاتو او فرهنګ رییس د یادې ښځې د ځانوژنې لامل کورنی تاوتریخوالی یاد کړی او په وینا یې، تراوسه د پېښې په تړاو څوک نه دي نیول شوي.
سلاموطندار پر ټویټر هم وڅارئ
په دې وروستیو کې د هېواد په یوشمېر ولایتونو کې د ځانوژنې پېښې زیاتې شوې چې تر ډېره یې لاملونه رواني ستونزې، بېوزلي او کورني تاوتریخوالي په ګوته کېږي.
