د هلمند په ګرشک ولسوالي کې د دوه میلیونه افغانیو په لګښت یو «ورزشي جمنازیوم» جوړ او ګټېاخیستنې ته وسپارل شو.
دغه جمنازیوم بېګاه شپه د یو لړ مراسمو په ترڅ کې ګټېاخیستنې ته سپارل شوی دی.
د سلاموطندار پښتو فېسبوکپاڼه وڅارئ
یاد ورزشي جمنازیوم د «۱۰۰۰» نندارچیانو لپاره د ناستې ځای لري او د دوه میلیونه افغانیو په لګښت د یوه سوداګر له لوري جوړ شوی دی.
د یاد جمنازیوم د پرانېستې پر مهال د هلمند او کندهار د فوټسال لوبډلو ترمنځ سیالي هم وشوې چې د هلمند اغانور شاهي لوبډلې پهکې د کندهار انافسي فوټسال کلب ته ۵-۴ ماته ورکړه.
همداراز دویمه لوبه کې بیا د ګرشک منتخبې لوبډلې قیس غني لوبډلې ته ۴-۲ له ماتې سره مخ کړه.
د یاد جمنازیوم پرانېستو مراسمو ته د چارواکو ترڅنګ سلګونه کسان ورغلي وو او د یاد جمنازیوم پر جوړېدو یې خوښي څرګنده کړه.